1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په کابل کې چاودنې لږ تر لږه شپږ کسان ووژل

په کابل کې د یوې چاودنې له کبله لږ تر لږه څلور تنه پولیس او دوه تنه ملکي وګړي وژل شوي دي. چارواکو ویلي دي چې چاودنه د سړک د غاړې د یوه ماین له کبله رامنځ ته شوې ده.

افغان چارواکو ویلي دي چې پیښه د کابل په قره باغ ولسوالۍ کې د دوشنبې په ورځ تر هغه وروسته رامنځ ته شوه چې د پولیسو یو موټر د سړک د غاړې پر یوه ماین باندې برابر شو.

د کابل د پولیسو د جنایي څیړنو مشر فرید افضلي، د آلمان خبري آژانس ته ویلي دي: «پیښه په قره باغ کې نن سهار [دوشنبه] رامنځ ته شوه.»

لا تر اوسه پورې کومې ډلې د دغه برید پړه پر غاړه نه ده اخیستې خو طالبان ډیر وخت د سړک د غاړې ماینونه د افغان او بهرني ځواکونو د په نښه کولو په موخه کاروي. دغه بمونه بیا ډیر وخت ملکي وګړي وژني.

قره باغ د کابل ولایت یو له امنو ولسوالیو څخه شمیرل کیږي چې کابل ښاره په ۵۰ کیلومتري کې پرته ده. په وروستیو وختونو طالب یاغیانو پر افغان ځواکونو باندې خپلو بریدونو ته زور ورکړی دی.

دغې ډلې تر هغه وروسته اعلان وکړ چې خپلې جګړه ته به دوام ورکړي چې ولسمشر غني له خپل امریکايي سیال ولسمشر اوباما سره د لیدنې پر مهال موافقه وکړه چې په افغانستان کې دې د روان کال تر پایه پورې تر پلان شوې اندازې ډیر امریکایي سرتیري پاتې شي.

DW.COM