1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په کابل کې ځانمرګي برید لږ تر لږه ۱۹ تنه وژلي

په کابل کې د سه شنبې په ورځ یوه ځانمرګي برید لږ تر لږه ۱۹ کسان ووژل او ۴۱ تنه نور یې ټپیان کړل. چارواکو ورښانه کړې ده چې چاودنه د افغانستان په سترې محکمې موټر درولو په ځای کې رامنځ ته شوې ده.

د افغانستان د کورنیو چارو وزارت ویاند نجیب الله دانش، د فرانسې خبري آژانس ته ویلي دي چې یوه پیاده ځانمرګي برید کوونکي هغه مهال د سترې محکمې پر کارکوونکو باندې خانمرګی برید وکړ چې هغوی د کار تر ختمیدو وروسته په یوه موټر کې د سپریدو په حال کې وو.

ستره محکمه د کابل د هوایي ډګر او امریکا متحده ایالاتو د سفارت تر منځ د غځیدلي سړک پر سره پرته ده.

دا په داسې حال کې ده چې تر دې مخکې د افغانستان د عامه روغتیا وزارت ویاند وحید مجروح، ویلي وو چې د پیښې په قربانیانو کې ښځې او ماشومان هم شامل دي.

تیره میاشت طالب یاغیانو په کابل کې د پارلمان پر کارکوونکو باندې برید کړی وو چې په پایله کې یې ۳۰ کسان وژل شوي او ۸۰ تنه نور ټپیان وو.

اړوند مطالب