1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په کابل کې ځانمرګو بریدونو ۳۰ کسان وژلي

افغان چارواکو ویلي دي چې په کابل کې ځانمرگو بریدونو نژدې ۳۰ کسان وژلي او ۴۰ نور یې ټپیان کړي دي. د پيښي مسئوليت وسله والو طالبانو منلی دی. دغي ډلي په دې وروستیو وختونو کې خپلو بریدونو ته زور ورکړی دی.

د پغمان ولسوال موسی رحمتی، ویلي دي چې د پنجشنبې ورځې بریدونه د کابل د لویدیځ په شل کیلومتري کې ترسره شوي دی.

د رحمتي په خبره بریدونه د پولیسو پر تازه فارغ شویو غړو ترسره شوی دی چې له میدان وردگ ولایت څخه کابل ته په رخصتۍ روان ول. بریدونه پر هغو سرويسونو باندي شوي دي چې دغه پوليس پکښې سپاره ول.

د کورنیو چارو وزارت یوه چارواکي د نوم د نه ښوولو په شرط ویلي دي چې د پیښې په اړه څېړنې روانې دي. هغه د پیښې د رامنځ ته کیدو سیمه تائید کړې ده.

طالبانو رسنیو ته په یوه استول شوي بریښنا لیک کې د برید پړه منلې ده.

د خبر نور جزئیات لږ وروسته.

اړوند مطالب