1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په کابل کې پر بهرني ځواکونو ځانمرگي برید

افغان چارواکو وویل چې نن سهار وختي د ترافیکي ازدحام پرمهال په کابل کې د بهرنیو ځواکونو پر یو کتار ځانمرگي برید وشو. یوه چارواکي د درې ملکي وگړو د ژوبل کیدو خبره کړې ده.

ارشیف

ارشیف

یو افغان چارواکي وویل چې د یو موټر بمب په واسطه په کابل کې د بهرنیو ځواکونو پر یوې زغروال نقلیه وسیلې برید وشوو. د کورنیو چارو د وزارت د ویاند مرستیال، نجیب دانش وویل چې نن یکشنبه د سیمی په وخت د نهو بجو په شا او خوا کې د کابل د جوی شیر په سیمه کې د بهرنیو ځواکونو پر یو موټر برید شوی دی.

دانش وویل چې د ولسي وگړو په منځ کې مرگ ژوبلې رامنځ ته شوي دي، خو د هغوی شمیر لا تراوسه څرگند شوی نه دی.

خو د آلمان خبري اژانس ته د کابل د امنیې قوماندانې ویاند، عبادالله کریمي وویل چې په دغې حمله کې «درې تنه ولسي وگړي ټپیان شوي دي.» هغه د ناتو د ځواکونو د مرگ ژوپلو په هکله څه نه شو ویلای.

د پیښې سیمه د افغان امینتی ځواکونو له خوا محصاره شوی ده او څیړنې روانې دي.

د اسوشیتدپرس د یو رپوټ له مخې د تویتر په هغه یو اکونت کې چېله نوموړي خبري آژانس سره د طالبانو په نامه ثبت دی، طالب یاغیانو د دغې حملې د برید مسوولیت په غاړه واخیست.

د ناتو یو ویاند، امریکايي ډگروال برین تریبوس اسوشیتدپرس ته د دی خبر پخلی وکړ او وویل چې رښتیا هم دا « یو ځانمرگي برید» ؤ.

د افغانستان د یوې تلویزیوني شبکې د خبري خپرونې په یو انځور کې یوه زغرواله نقلیه وښودله شوه چې په یو څنډه کې تاوانې شوې ښکاري.

د افغانستان په پلازمینه کابل کې وروسته له یو لړ پر له پسی خونړیو بریدو څخه د لوی احتر څخه را په دی خوا نسبتا چوپتیا وه. خو دغه حمله په داسې یو وخت کې رامنځ ته کیږي چې په کندز کې د افغانستان د امنیتي ځواکونو او طالبانو یاغیانو ترمنځ نښتې لا دوام لري.

د کندز ولایت مرکز تیره اونې د یوې لنډې مودې لپاره د طالبانو تر کنترول لاندې راغې. که څه هم په عمومي توگه دولتي حاکمیت هلته بیرته ټینگ شوی، خو د ښار په اطرافي سیمو کې لا تراوسه وخت په وخت د نښټو رپوټونه ورکول کیږي.

اړوند مطالب