1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په کابل کې پارلمان ته نزدې غبرګي چاودنې شوي دي

په کابل کې دوې غبرګي چاودني شوې دي. یوه چارواکي روښانه کړې ده چې چاودني د پارلمان ودانۍ ته نزدې شوې او له کبله یې مرګ ژوبله هم رامنځته شوې، خو لا تر اوسه پورې دقیقې شمیرې په لاس کې نه شته.

د کابل د اوومې ناحیې د پولیسو قوماندان احمد ولي صبوري، ویلي دي: «یو فور رنر ډوله ټیوټا موټر د پارلمان ودانۍ ته نزدې چاودلی دی.»

د دغه چارواکي په خبره سیمې ته د امنیتي ځواکونو تر رسیدو وروسته دویمه چاودنه هم شوې ده: «مرګ ژوبله رامنځ ته شوې ده، خو لا تر اوسه پورې دقیقې شمیرې په لاس کې نه شته.»

پر دې سربیره یو دریم شکمن موټر هم د امنیتي ځواکونو له خوا درول شوی دی. د طالبانو یوه ویاند ذبیح الله مجاهد، د دغې پیښې پړه پر غاړه اخیستې ده.