1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په کابل کې د عراق سفارت د موټر بم هدف ګرځیدلی

افغان پولیس وایي چې یوه موټر بم په کابل کې د عراق سفارت خپل هدف ګرځولی دی. تر چاودنې وروسته د پیښې په سیمه کې وسله والې نښتې روانې دي. تر اوسه پورې د تلفاتو په اړه کره معلومات نه شته.

د پولیسو دوو چارواکو ویلي دي چې برید کوونکو په کابل کې د عراق سفارت ته د ننوتو هڅه وکړه او کله چې په دې کار و نه توانیدل نو له سفارته بهر یې خپل موټر بم وچاوه.

عینې شاهدان وایي چې تر چاودنې وروسته په سیمه کې ډزې پیل شوې دي چې د دې رپوټ د لیکولو تر مهاله یې دوام لاره.

Afghanistan Kabul Anschlag irakische Botschaft (Reuters/M. Ismail)

تر چاودني وروسته له سيمي د خلکو تېښته

د کورنیو چارو وزارت دغو دوو چارواکو د نوم د نه بربنډولو په شرط له اسوشیتد پرس خبری آژانس سره په دې اړه خبرې کړې دي.

افغان امنيتي ځواکونو سيمه کلابنده کړې او سيمي ته امبولانسونه هم رسېدلي دي دي.

Afghanistan Kabul Anschlag irakische Botschaft (Reuters/M. Ismail)

افغان امنيتي ځواک په سيمه کي

د يرغل مسئوليت افراطي ډلي داعش د دوی د پلوي خبري آژانس «اعماق» له لاري منلی دی.