په کابل کي ځانمرگي بريد تر شلو ډير کسان وژلي | افغانستان | DW | 18.05.2010
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په کابل کي ځانمرگي بريد تر شلو ډير کسان وژلي

پېښه نن سهار د يوه روغتون مخ ته سوې او ډيری قربانيان يې ملکي وگړي دي. د بريد هدف د بهرنيو ځواکونو يو کاروان و...

default

په کابل کي د يو بل ځانمرگي بريد انځور

درويتر خبري آژانس ليکي،چي نن سهار يوار بيا کابل ښاردوو چاودنو ولړزاوه. آژانس ليکي په کابل کي د ناټو پر يو پوځي کاروان ځانمرګي بريد وسو او وروسته د پارلمان ودانۍ ته نژدې يوه بله چاودنه وسوه.

د ځانمرګي بريد پېښه، چي هدف يې د نړيوالو ځواکونو يو کاروان و دکابل په لويديځه خوا کي د يوه روغتون مخ ته سوې.

د افغانستان دکورنيوچارو وزارت وياند زمري بشري په دې پيښه د ډير شمېر ملکي وګړو دوژل کيدو څخه خبر ورکړی دی. خو ويلي يې دي، چي شمېر يې لا تر اوسه ندي معلو م .

خو د افغانستان ددفاع وزارت په يوه خبر کي ويل سوي چي 10 کسه په دغه پيښه کي وژل سوي او د شلو څخه ډير کسان ټپيان سوي دي.

ژغورونکي ځواکونه وايي،چي په پېښه کي د شلو څه ډير کسان وژل سوي، چي اکثره يې ملکي وګړي دي.

د پيښه پړه طالبانو په غاړه اخستي. ذبيح الله مجاهد چي ځان د طالبانو وياند معرفي کوي د ټليفون پر ليکه يې خبريالانو ته ويلي دي، چي د بريد هدف بهرني ځواکونو ول او سخته مرگ ژوبله يې وراړولې ده.

ناټو تر اوسه پوري په دې اړه څه نه دي ويلي.

AG/ ضياالحق فضلي

کتونکی. زيارمل

DW.COM