1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

«په کابل کي يوه آلمانۍ تښتول سوې ده»

داسي ويل کيږي چي د افغانستان په پلازمېنه کابل کي دي يوه مرستندويه آلمانۍ تښتول سوې وي. د راپورونو له مخي دغه ښځه د دوشنبې ورځي په سهار تښتول سوې ده. آلماني چارواکو تر اوسه پوري څه نه دي ويلي.

د ناتائيد سوو راپور له مخي بايد د آلمان د نړيوالو همکاريو موسسې (GIZ) يوه آلمانۍ کار کوونکې د کابل په قلعه فتح الله سيمه کي تښتول سوې وي.

په دې اړه په کابل کې د دویچه ویله له خبریال خلیل الرحمان امید څخه تازه معلومات واورئ.

د کابل په دغه سيمه کي د GIZ عمومي دفتر دئ. د آلمان د بهرنيو چارو وزارت او پخپله دغي موسسې د تښتولو پېښي په اړه له څه ويلو څخه ډډه کړې ده.

افغان امنيتي چارواکو هم تر اوسه پوري په دې اړه څه نه دي ويلي. د عينی شاهدانو په حواله دغه ښځه د دوشنبې په ورځ سهار وختي د وسله والو له خوا تښتول سوې ده.

د روان کال په جون مياشت کي په کابل کي يوه هالندۍ مرستندويه وتښتول سوه او تر اوسه پوري ئې په اړه هيڅ احوال نه سته.

څه موده مخکي د کندوز او مزارشريف لاري په اوږدو کي يو آلمانی مرستندوی وتښول سو، چي وروسته بيا آزاد سو.

DW.COM