1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په چين کي دافغاني لوبغاړو دپاره يوه بله نااميدکونکې ورځ

يو شمير افغان لوبغاړو وړمه ورځ په چين کي د آسيايي سياليو په لړ کي د بليارد او تکواندو په برخه کي د خپلو سيمه ايزو سيالانو سره سيالۍ وکړې

default

د چين په کوربه توب اسيايي لوبو ته د افغانستان څخه، يوه څه کم سل کسيزه ډله ورغلې چي پکښي 67تنه يې لوبغاړي اوپاته نور يې مربيان دي .

تکواندو، واليبال، کاراته، اوشو، غيږنيونه، سنوکر، تنس، توره وهلو او يو شمير نورو لوبو کي افغان لوبغاړي د خپلو سيالانو سره سيالۍ ته حاضر سوي دي .

تيره ورځ د بليارد په سياليو کي افغان لوبغاړي نادرخان سلطاني مسابقه دخپل حريف په مقابل کي 9 پر 4 بايلول .

Flash-Galerie Asienspiele Asian Games China Iran

په دوهمه مسابقه کي د افغانستان له اړخه عباس سلطاني د 74 کيلوګرامه وزن په رده کي د تکواندو په برخه کي له خپل تاجک سيال شهريور څخه څلور د يوه په مقابل کي په ګونډو سو .

ليلا حسيني بله افغان تکواندو کاره پيغله وه چي د 46 کيلوګرامه وزن په رده کي يې د خپلي فليپينۍ سيالۍ څخه تر څو رونډه سيالۍ وروسته ماته وخوړه.

د ليلا او ددې د سيالي په مسابقه کي په څلورو رونډونو کي يوه هم يو پر بله د نمري په تر لاسه کولو و نه توانيده او په پای کي ليلا د ډيرو فولونو له کبله چي خپلي حريفي ته يې ورکړي وه،ماتي ته مجبوره سوه .

چين ته د افغان لوبغاړو له ډلي سره تللي يوه مربي محبوب د ټليفون په کرښه دويچي ويلي ته وويل چي نن به هم افغانان د بليارد او تکواندو په برخه کي سيالي کوي .

ټاکل سوېده چي د افغانستان د المپيک دمسابقو څخه مډال ګټونکي تکواندو کار نثار احمد بهاوي به هم نن د خپل نيپالي سيال سره د سيالۍ ډګر ته وځي .

بهاوي د سيمي په کچه يوه پيژندل سوې تکواندو کاره څيره ده .

Flash-Galerie Asian Games Asienspiele 2010 Eröffnungsfeier China Guangzhou

نوموړی هغه مهال د چين د المپيک په سياليو کي د خپل ملک بيرغ لوړ کړ چي د ګاونډي ايران د تکواند يو نړيوال اتل علي ساعي ته يي حيرانونکې ماته ورکړه .

د افغانستان د المپيک د ملي کميټې په وينا چي بهاوي به نن د ورځي په اوږدو کي د مسابقې ډګر ته راوزي او تمه ده چي نوموړی به د پخوا په څير يووار بيا په ډک لاس هيواد ته را ستنيږي .

Flash-Galerie Asienspiele Asian Games Guangzhou China 2010

د ننيو سياليو په جريان کي به د بليارد د مسابقو په برخه کي محمد ريس او محمد صالح له خپلو فليپيني سياليو سره ډګر ته وزي.

د تکواندو په برخه کي به په بهاوي سربيره د هغه هم وطنه پيغله هميرا محمدي د 53 کيلوګرامه وزن په رده کي د خپلي چينايي سيالي سره مقابلي ته حاضريږي .

په چين کي د دغو آسيايي لوبو د منتظمينو د وينا له مخي چي تر اوسه پوري په دغو سياليو کي کوربه هيواد تر ټولو ډير د سرو زرو مډالونه ،يعني 97 مډالونه تر لاسه کړي دي.

جنوبي کوريا تر نن ورځي پوري د 29 مډالونو په تر لاسه کولو سره په دوهم مقام کي او جاپان د 17 مډالونو په تر لاسه کولو سره دريم ځای خپل کړي دي .

ميرویس جلال زی

کتونکی : محمد قاسم نوري