1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په څو ولاياتو کي د رايو شمېرنه پيل سوې ده

د افغانستان د ټاکنو خپلواک کېسيون وايي چي د ټاکنو بهر پای ته ورسېدی اوس به د رايو شمېرنه پيل سي چي څو اونۍ به دوام وکړي.

د ټاکنو د خپلواک کمېسيون مشر، فضل احمد معنوي په ټاکنو کې برخه اخيستنه «ډېره ښه» وبلله.

د ټاکنو د خپلواک کمېسيون مشر، فضل احمد معنوي په ټاکنو کې برخه اخيستنه «ډېره ښه» وبلله.

د تاوتريخوالو او درغليو تر سيوري لاندي راغلي پارلماني ټاکني چي افغانانو په دوهم ځل ولسي جرګې ته استازي وټاکل پای ته ورسېدې.

اوس د رای پاڼو شمېرنه پيليږي چي ښايي تقريبا شپږ اونۍ يعني د اکتوبر تر ۳۱ مي نېټې پوري دوام وکړي.

د ټاکنو د خپلواک کمېسيون مشر، فضل احمد معنوي په ټاکنو کې برخه اخيستنه «ډېره ښه» وبلله.

معنوي ويلي دي چي په پارلماني ټاکنو کي د ګډون کچه د تير کال د ولسمشريزو ټاکنو په پرتله لوړه وه.

د هغه په خبره تر غرمې پوري په سلو کي ۳۲ کسانو خپله رايه کارولې وه.

د ولسي جرګې له ۲۴۹ چوکيو څخه ۶۸ د ښځو لپاره بېلي سوي دي. په ټوليز ډول تر دوو نيم زرو څخه زيات کسان ټاکنو ته ولاړ ول.

خو د ترينګلې امنيتي وضعي له کبله د هيلو پر خلاف نسبتاً ډېر انتخاباتي مرکزونه تړلي پاته سول.

د ۵۸۱۶ مرکزونو له جملې څخه ويل کيږي د ۴۶۰ په اړه د ټاکنو کمېسيون معلومات نه درلودل چي آيا هغه پرانستل سوي دي که نه.

خو د ټاکنو خپلواک کميسيون تر ټاکنو وړاندي هم اعلان کړی و چي تر زرو ډېر مرکزونه به د ګواښونو له امله تړلي پاته وي.

آژانسونه/ نسيم صابر

کتونکی: نجيب الله زيارمل