1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سيمه

په پاکستان کې ۱۳ یاغیان او یو پولیس وژل شوی دی

د پاکستان یوه اداري چارواکي ويلي دي چې شکمنو یاغیانو له افغانستان سره پر پوله د پاکستاني پوځیانو پر یوې پوستې باندې برید کړی دی. هغه زیاته کړې ده چې له دې کبله د رامنځ ته شوې جګړې له کبله ۱۲ یاغیان وژل شوي دي.

دغه چارواکي چې جاوید خان، نومیږي ویلي دي چې برید د پنجشنبې په ورځ سهار وختي د خورم سیمې په منګارو پوځې پوستې کې رامنځ ته شوي دي.

د دغه چارواکي په خبره د برید له کبله د امنیتي ځواکونو په منځ کې مرګژوبله نه ده رامنځ ته شوې. هغه ویلي دي چې برید کوونکي تر ځپل کیدو وروسته افغانستان ته تښتیدلي دي.

افغانستان او پاکستان یو له بل سره ۲۲۵۰ کیلومتره پوله لري. یاغیان ډیر وخت له یوه هیواد څخه بل هیواد ته اوړي او بریدونه ترسره کوي. ډیر وخت خبریالان پولې ته نزدې سیمو ته نه شي تلای.

له بلې خوا چارواکو ویلي دي چې په یوې بلې پیښې کې پیښور ته نزدې د یوې چاودنې له کبله یو تن پاکستاني پولیس وژل شوی دی.

DW.COM