1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سيمه

په پاکستان کې یوه ځانمرګي برید دوه پوځیان وژلي

په پاکستان کې یوه ځانمرګي برید د دوشنبې په ورځ د یوه افسر په ګډون دوه پوځيان وژلي او نهه تنه نور یې ټپیان کړي دي. طالبانو د دغه برید پړه پر غاړه اخیستې ده.

د پولیسو یوه چارواکي عمران ملک، ویلي دي چې پیښه په پیښور کې رامنځ ته شوې. دغه چارواکي روښانه کړې ده چې برید کوونکی پر یوه موټرسایکل باندې سپور وو.

د تحریک طالبان پاکستان ډلې د برید پړه منلې ده. د دې ډلې ویاند محمد خرساني په دې اړه رسنیو ته یوه بیانیه هم استولې ده.

برید تر هغه یوه ورځ وروسته کیږي چې د پاکستان پوځ په قبایلي سیمو کې د یو لړ نویو عملیاتو د په لاره اچولو اعلان وکړ. د دغو عملیاتو هدف له سیمه څخه د اسلامي دولت ترهګرې ډلې غړو پاکول ښوول شوي دي.

په افغانستان او پاکستان کې د اسلامي دولت ډله ډیر پراخ حضور نه لري خو وخت ناوخت د خونړیو بریدونو پړه پر غاړه اخلي. دغه ډله بیا د نورو سیمو په پرتله د افغانستان په ننګرهار ولایت کې ډیر فعالیت لري.