1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

په پاکستان کې چاودنې درنه مرګ ژوبله اړولې

په پاکستان کې چاودنې درنه مرګ ژوبله اړولې

له پاکستان څخه ترلاسه شوي رپوټونه وايي چې د دې هیواد د کراچۍ ښار په ۲۰۰ کیلومترۍ کې پرته د سیهوان سیمې له ګڼه ګوڼې ډک د لال شاهباز قلندر په زیارت کې ۳۵ کسان وژل شوي او ۶۰ تنه نور بیا ټپیان شوي دي.

 د پاکستان د سند ایالت د روغتیا ایالتي وزیر، سکندر علي ماندرو د فرانسې د خبري آژانس ته ویلي دي چې په دې چاودنه کې «۳۵ کسان وژل شوي او له ۶۰ څخه ډیر کسان بیا ټپیان شوي دي.»

بل لوري ته د دې ایالت یو لوړپوړي چارواکي هم د مرګ ژوبلې د دغې شمیرې پخلی کړی دی.

د رویټرز خبري آژانس د تازه رپوټونو په اساس د دې چاودنې مسولیت د اسلامي دولت ډلې یا داعش د خپل خبري آژانس «اعماق» له لارې منلی دی.

روانه اونۍ پاکستان په بیلا بیلو سیمو کې د خونړیو چاودنو شاهد وو.