1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په پاکستان کې پر افغاني ټلويزيوني خپرونو د بنديز لگولو په سر غبرگونونه

د افغانستان د ټلويزيوني خپرونو بندول په پاکستان کې د مختلفو اړخونو لخوا غندل شوي دي، لکه د افغانستان د ژورنالستانو د اتحاديو له لوري چې دغه کړنه يې د ډموکراسۍ او د بيان د آزادۍ په وړاندې يو ناوړه عمل بللی دی.

default

د افغانستان د بهرنيو چارو وزارت دغه کار د نړيوالو معيارونو په خلاف گڼلی دی، په داسې حال کې چې د افغانستان د اطلاعاتو او فرهنگ وزارت د دغې کړنې د غندنې تر څنگ ويلي دي چې د پاکستان له چارواکو سره په تماس کې شوي دي.
د افغانستان د ژورناليستانو د اتحاديې مشر سيد اقا سنچارکي د آلمان غږ سره په خبرو کې وويل چې د پاکستان دغه اقدام د ډموکراسۍ په وړاندې يو عمل دی، خو په عين وخت کې يې د افغاني رسنيو موفقيت وگاڼه او زياته يې کړه چې د افغانستان رسنۍ د مسايلو په روښانولو کې بريالي وو، پاکستان اوس پوه شوی دی او مخه يې نيسي.