1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سيمه

په پاکستان کې د بمي چاودنې په ترڅ کې ۱۲ تنه ووژل شول

د پاکستان په بلوچستان ایالت کې وسله والو یوه تاریخي ودانۍ ویجاړه کړې ده. پر دې سربیره په دغه ایالت کې د طب د پوهنتون په یوه سرویس موټر کې د بمي برید په ترڅ کې یو شمیر محصلینې وژل شوي او په لسګونو نور ټپیان شوي دي.

د ورکړل شوو رپوټونو په حواله برید کوونکي چې په سپکو وسلو سمبال ول، په زیارت نومي سیمي کې د نولسمې پیړۍ له لرګیو څخه جوړه شوې ودانۍ ته د شپې په نیمایي کې ننوتل. زیاته شوې ده چې هغوی په لومړی سر کې د ودانۍ یو ساتونکی ووژاه او له هغې وروسته یې د ودانۍ په دننه کې بمونه کیښول او بیا یې والوزوله.

د علي اصغر په نوم د پولیسو یوه چارواکي د فرانسې خبري آژانس ته ویلي دي چې د «زیارت ریذیډینسي» په نوم دغه ودانۍ چې برنډه، ځمکه او باندینې برخه یې د لرګي څخه جوړه وه په بشپړه توګه سوځیدلې ده.

لا تر اوسه چارواکو د ودانۍ د ویجاړولو په تور څوک نه دي نیولي. د پاکستان د کورنیو چارو وزیر چوهدري نثار، ژمنه کړې ده چې عاملین به د قانون منګولو ته وسپاري. دغه دوه پوړیزه ودانۍ چې په ۱۸۹۲م کال کې جوړه شوې وه، د بلوچستان د مرکز کوټې څخه د سویل ختیځ په لور په ۸۰ کیلومترۍ کې پرته ده.

د پاکستان موسس محمد علي جناح د پاکستان د جوړیدو وروسته په دغه ودانۍ کې د خپل ژوندانه وروستې شپې ورځې تیرې کړې وې. د محمد علي جناح د مرګ یو کال وروسته دغه ودانۍ د ملي یادګار په توګه ونومول شوه. چارواکو ویلي دي چې په دغه ودانۍ کې هغه فرنیچر چې جناح استعمال کړي ول او د ملي اثارو په نوملړ کې شامل کړل شوي ول، هم سوځیدلي دي.

د محصلینو په سرویس موټر کې چاودنه

د شنبې په ورځ د غرمې وروسته یو بم چې د طب پوهنتون د محصلینو په موټر کې ځای پر ځای شوی وو، یوولس نجونې وژلې دي. پر دې سربیره په دغه چاودنه کې نور ۱۷ تنه ټپیان شوي هم دي.

د کوټې د پولیسو مشر زبیر محمود، د فرانسې خبري آژانس ته ویلي دي چې وژل شوې کسان ټولې ښځې دي. هغه زیاته کړې ده چې د پیښې په اړه پلټنې روانې دي.