په پاکستان کي انتخاب يوه مياشت نور وځنډېدل | آلمان او نړۍ | DW | 02.01.2008
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

په پاکستان کي انتخاب يوه مياشت نور وځنډېدل

په پاکستان کي د جنوري پر اتمه پلان سوي انتخابات تر يوې مياشتي اضافه يعني د فيبرورۍ تر اته لسمي پوري وځنډېدل.

په پاکستان کي د انتخاباتو د ځنډيدو علت په هغه هيواد کي بې امنيتي بلل سوې ده

په پاکستان کي د انتخاباتو د ځنډيدو علت په هغه هيواد کي بې امنيتي بلل سوې ده

دغه خبر نن په اسلام آباد کي د انتخاباتو د کمېسيون مشر ورکړی.

د حکومت د مخالفي سياستوالي بېنظير بوټو د وژلو له امله رامنځ ته سوی کړکېچن حالت ددې باعث سو، چي دډيرو ايالتو حکومتي مشران د انتخاباتو د ځنډېدو مشوره ورکړي. خو مخالفو ګوندونو بيا ددې پرېکړي سره مخالفت ښوولی دی.

پروېز مشرف به نن ماښام ملت ته يوه تلوېزيوني وينا وکړي. دی په وينا کي د بېنظير بوټو د وژلو په اړه د نړيوالي مرستي په اړه معلومات ورکړي او همدارنګه به د خلګو څخه د آرامۍ غوښتنه وکړي. پاکستاني چارواکو په روان وخت کي د دوو هغو شکمنو کسانو عکسونه خپاره کړي چي د بېنظيربوټو د وژلو شک ورباندي کيږي، او ددوی د پېژندلو پر سر يي 164000 زره امريکايي ډالره جايزه اېښې ده.