1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

په ټاکنو کي د درغليو پيښې

په څو ولاياتو کي د درغليو هڅي سوي او جعلي کارتونه کارول سوي دي. په لومړی سر کي دغه خبري په مرکز کابل کي را پورته سوې.

په هلمند ولايت کی نيول سوي جعلي کارتونه

په هلمند ولايت کی نيول سوي جعلي کارتونه

کابل

د لومړيو درغليو او ستونزو رپوټونه هم ورکړل سوي دي. د ټاکنو د خپلواک کمېسيون يوه وياند ويلي دي چي په دوو مواردو کي داسي رنګونه کارول سوي دي، چې په آسانۍ سره بيرته د منځه ځي. دغه ستونزي د کابل ښار په دوو مرکزونو کي تر سترګو سوي دي.

د کابل په باغ بالا سیمه کي د یوه انتخاباتي مرکز څخه اته جعلي کارتونه تر لاسه سوي دی

همدا راز د انتخاباتي شکایتونو اوریدو د کمیسون غړي ضیا رفعت هم ومنله چې د کابل ښار په یوه مرکز کي یې داسي یوه پیښه موندلې چې د یوه رایه ورکونکي د ګوتي رنګ پاک سوی دی.

د کابل په شمال کي د شکر درې په ولسوالۍ کي هم شپږ جعلي کارتونه له یوې ښځي سره یو ځای ونیول سول چي یاده مېرمن د تحقیقاتو لپاره د شکردرې امنیه قوماندانۍ ته استول سوې ده.

د حبیبیبې په لیسه کې هم د کارتونو د سورې کولو ماشینونو ستونزه پیدا کړي چې وروسته له قیچي ګانو څخه کار اخیستل سوی او همدا راز یو شمیرکاندیدانو او د هغوی پلویانو د مرکز د باندي خلکو ته خپل عکسونه ویشل چي هغوی ته رایه ورکړي.

هرات

په هرات کي هم د دويچه ويلي د خبريال د راپور سره سم ډيری خلک د گوتي د رنگ څخه شکايتونه کوي.

د هغوی په خبره رنگ ډير ژر د گوټي څخه پاکيږي او يو تن ډير اسانه کولای سي چي د يو ساعت په ترځ کي دوه ځله رايه و کاروي.

جلالزی/صابر/ زيارمل

کتونکی: عبدالباري حکيم