1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په يوې مدرسې باندې په بريد کې اوه ماشومان وژل شوي دي

د امريکا په مشري د ايتلافي ځواکونو په هوايي بريد کې د افغانستان په ختيځ کې اوه تنه ماشومان وژل شوي دي. ويل کېږي چې په دغه ځای کې اورپکي پټ شوي وو. په پکتيکا کې د دغه بريد په ترڅ کې د امريکې د نظامي کړيو په وينا اورپکي هم وژل شوي دي.

امريکايان ادعا کوي چې په مدرسه کې اورپکي پټ شوي وو

امريکايان ادعا کوي چې په مدرسه کې اورپکي پټ شوي وو

امريکايان زياتوي چې داسې کره معلومات يې درلودل چې په دغه مدرسه کې چې څنگ ته يې يو جومات هم شتون لري، د يو ترهگرو سازمان غړي پټ شوي وو. په يوه جلا پېښه کې د امريکا تر مشرۍ لاندې درې تنو عسکرو او د هغوی ژباړونکي ته د سړگ غاړې بم د چاودنې له امله د سر زيان اوښتی دی. په کابل کې هم د يکشنبې په ورځ په يو تروريستي بريد کې 35 تنه مړه شوي وو چې ډېرۍ پوليس وو.