1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

په يمن کي ځانمرگو بريدونو په لسونو انسانان وژلي

د یمن په پلازمېنه سنعا کې ځانمرگو برید کوونکو پر دوو مسجدونو باندي يرغلونه کړي دي. دغو مسجدو ته ډیر وخت شعیه حوثي یاغیان ورتلل. سنعا اوس د حوثي ياغيانو په کنترول کې دی.

چارواکو او عیني شاهدانو ويلي دي چې برید کوونکو د ماسپښین د لمانځه پر مهال په بدر او الهشاهش مسجدونو کې ځانونه والوزول.

تر اوسه پوري لا روښانه نه ده چې په پیښه کې څو تنه وژل شوي دي خو ځینې رپوټونه ښيي چې ۷۷ کسان وژل شوي او تر سلو زيات ټپیان شوي دي.

په دغو مسجدونو کې ډیر وخت شعیه حوثي ملیشو لمونځ کاوه چې د تیر کال له سپتمبر میاشتې راهیسي پر دغي سیمي باندي کنترول لري.

تر دې دمخه یاغیانو د یمن ولسمشر ابید رابو منصور هادي، نظر بند کړ. هادي بیا وروسته ادین ښار ته په تیښته بریالی شو.

هغه تر اوسه پوري هم د یمن قانوني ولسمشر شمېرل کیږي خو د دې هیواد ډیري برخې د حوثي ډلي تر کنترول لاندي دي.

د دغو بريدونو مسئولیت تر اوسه پوري لا کومي ډلي منلی نه دی.