1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په وردگو کي امريکايي عسکر وژل سوي دي

په افغانستان کې د امریکايي پوځونو د وینا له مخې د یوه شکمن داخلي برید کوونکي له لوري د ډزو په نتيجه کې د دوو امریکایي سرتیرو تر څنګ یو شمیر افغان سرتیري هم وژل شوي دي.

US soldiers stand guard at the site of twin suicide attacks in Kandahar on January 6, 2013. Two suicide bombers struck a meeting of community leaders in a southern Afghan town near the Pakistan border on Sunday, killing at least five people and wounding 15, officials said. One gunman on foot opened fire on guards at the entrance of the council building in Spin Boldak, forced his way inside and detonated himself, while a second attacker rammed an explosives-laden vehicle into the outside walls. AFP PHOTO / JANGIR (Photo credit should read JANGIR/AFP/Getty Images)

US-Soldaten in Afghanistan

د افغاني چارواکو د وینا له مخې دغه پیښه د وردگو ولایت په جلرېز ولسوالۍ کي رامنځ ته شوې ده. په افغانستان کې د متحده ایالاتو پوځونو په یوه خپره شوې خبرپاڼه کې ویلي دي:

«دوه تنه امریکایي او یو شمیر افغان سرتیري، د دوشنبې په ورځ د افغانستان په ختیځ کې هغه وخت ووژل شول، چې د افغان ملي اردو په يونيفورم کي يو کس پر امریکایي او افغاني ځواکونو باندې ډزې وکړې.»

د ایساف ویاند د فرانسې خبري آژانس ته ویلي دي چې په دغه پیښه کې یو شمیر افغان سرتیري هم وژل شوي دي.

د افغانستان د کورنیو چارو د وزرات ویاند صدیق صدیقي د پیښه تائيد کړې ده او ویلي یې دي چې د پیښې د څیړلو له پاره یو پلاوی سیمي ته استول شوی دی.

تر دمخه د جلریز ولسوالۍ ولسوال نقیب الله حیدري، د آلمان خبري آژانس ته ویلي وو:

«موږ د قربانیانو د دقیق شمیر په اړه معلومات نه لرو، خو په دې خبر یو چې ډیر شمیر سرتیري وژل شوي دي.»

دغه پیښه د متحده ایالاتو د ځانکړو پوځي ځواکونو په مقر کې رامنځ ته شوې ده.

په تیر وخت کې افغان ولسمشر حامد کرزي یو فرمان صادر کړی وو چې له مخې یې باید امریکایي ځانګړي ځواکونه د یکشنبې تر ورځې د وردگو ولایت څخه وتلي وای.