1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

په هندوستان کې د سیلابونو له امله ۹ تنه وژل شوي دي

د هندوستان په لیرې پرته شمال ختیځه برخه کې د سیلابونو له امله د یوه ساختماني شرکت ۹ تنه کارکوونکي وژل شوي او نور ۱۵ تنه لادرکه دي. زیاته شوې ده چې د لادرکه شوو کسانو د وژل کیدو ویره موجوده ده. د هندوستان د سکم ایالت جگپوړي دولتي چارواکي ویلي دي چې د ساختماني شرکت دغه کسان د چنگتان په سیمه کې په یوه کمپ کې اوسیدل چې د جمعې په ورځ سیلاب له ځانه سره په مخه کړي دي. دغه چاوراکي زیاته کړې ده چې تر اوسه د ۹ کارکونکو جسدونه موندل شوي دي او د نورو د لټون چارې ادامه لري. هغه زیاته کړې چې دغه کسانو د سرک د جوړولو په یوه پروژه کې کار کاوه.