1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

په هسپانیه کې دوه چیچینیان له االقاعدې سره په تړواو تورن شول

هسپانوي چارواکو وویل چې د نوموړي هیواد یوه قاضي د یکشنبې په ورځ دوه چیچنیان وروسته له هغه د القاعدې ترهګرې شبکې سره په تړاو تورن کړل چې په دې تروریستي ډله کې د هغوی غړیتوب ثابت شو او له هغوی سره د بمب جوړولو له پاره لازم مواد وموندل شول.

دغه دوه کسان د چهار شنبې په ورځ په یوه لوی موټر کې چې د فرانسې د پولې په لور روان وو ونیول شول. قاضي وویل چې هغه خپل دغه پریکړه د امریکا متحده ایالاتو، فرانسې، روسې او جیبرالتا د چارواکو د معلوماتو پر اساس نیولې ده.

د هسپانوي قاضي په خبره هغه اسناد چې د امریکا متحده ایالاتو له خوا محکمې ته وړاندې شوي ښیي چې دغو دوو تنو چیچینيانو له ۲۰۱۰ کال څخه راهیسې د پاکستان په وزیرستان او افغانستان کی په «تروریستی فعالیتونو» لاس پورې کړی دﺉ.