1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

په هسپانيه کي د ځوانانو بېکاري او لوږې

هسپانيه د یورو د ژغور له چتر څخه ووته، خو له بې روزگارۍ څخه د دغه هیواد د ځوانانو ژرغول نه معلوميږي. ډیری ځوانان بېکاره دي او د بې وزلۍ په حالت کې ژوند کوي. ځوانه معلمه بي آ، هڅه کوي چې یو ډول ځان له وضعیت سره برابر کړي.

په مارکیټونو کې له رومیانو څخه نیولې هر رنگه ترکاري تر سترگو کیږي چې د لمر په رڼا کې یې جلا ډیره زړه راکښونکي وي. د اندولس په ښار کې ژوند په دا ډول دی. خو د هسپانيې په یو شمیر ښارونو کې ناداره خلک د خځلو په کانتینرونو کې خوراکي مواد لټوي. بې آ، هم له د هغوی له جملې څخه ده چې د مارکیټونو مخ ته د خځولو د راټولو په هڅه کې وي.

بې آ، د گرانادا، په ښار کې اوسیږي. هغه باید بیړه وکړي چې د مارکیټ له مخې د خځلو له کانتينرونو څخه یو څه پیدا کړي تر څو د مارکیت د ساتونکو له خوا بیا له کوم جنجال سره مخامخ نه شي. دغه هغه ترکاري دي چې دوکاندارانو له کریټونو څخه د را ایستلو پر وخت ښه ترکاري د خرڅلاو له پاره ایښې ده او خرابه یې دغه کانتینر ته ورغورځولې ده. د بې آ، له پاره دا یوازینی چانس دی، چې د ټولي اوونۍ له پاره په وړیا توگه خوراکي مواد تر لاسه کړي.

بي آ، په يوه سمڅه کي ژوند کوي

بي آ، په يوه سمڅه کي ژوند کوي

دغه دیرش کلنه هسپانوۍ ښځه، په اوونۍ کې یو وار لوی مارکیټ ته ورځي او له کانتینر څخه هر هغه څه چې د وړلو وس یې ولري، له ځانه سره وړي. زیاتره وخت د خځلو په دغو کانتیرونو کې ترکاري وي.

په اصل کې بې آ، د مادرید اوسیدونکي ده. هغې غوښتل چې معلمه شي. په ایټالیا کې هغې د کلتوري تاریخ په برخه کې زده کړي دي او په روم کې یې دیپلوم تر لاسه کړی دی. تر هغه وروسته بې آ، برلین ته کډه شوه او هلته یې د ژوندانه د ضرورتونو د پوره کولو له پاره په یوه کوچنۍ هټۍ کې کار پیل کړ. تر هغه وروسته بیا هسپانیې ته ستنه شوه او د گرانادا په ښار کې یې نوري زده کړې وکړې او د معلمۍ په دولتي امتحان کې بریالۍ شوه.

خو د اقتصادي بحران تر رامنځ ته کیدو وروسته هغه د دندي په موندلو و نه توانیده. د هسپانیې تر څنگ یونان، ایټالیا او پرتگال په شان هیوادونه هم له اقتصادي کړکیچ سره مخامخ دي.

بې آ، د ژوندانه د چارو د سمولو له پاره د ځیني کارونو د ترلاسه کولو فرصت هم لري. د دوبي په موسم کې هغه په فرانسوي ځمکو کې د حاصلاتو د راټلونکي په توگه کار کوي تر څو یو څه پسې تر لاسه کړي او د خپل ژوندانه ضروروتونه پرې پوره کړي. هغه په دغو پیسو باندې ځیني کتابونه رانیسي او یا د راډیو له پاره بیټرۍ چې په سولر انرژۍ کار کوي.

هغه ډیر اهداف او هیلي نه لري او وایي: «زه ډیره په شک او تردید کې یم، خو د دې خبر تصور لرم، چې یو وخت وروسته خپل کور ورغوم، خپل خواړه خپله تیار کړم او خپله کورنۍ ولرم.»

بې آ، د خپلې خوښې په مسلک کې پر زده کړو سربيره په دغه مسلک کې د دندي په پیدا کولو نه ده توانیدلې.