1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په هرات کې ۱۱ ماین پاکوونکي برمته شوي

یو افغان چارواکي ویلي دي چې وسله والو کسانو د افغانستان له لویدیځ څخه ۱۱ ماین پاکوونکي برمته کړي دي. دې چارواکې زیاته کړې ده چې د برمته شویو کسانو د آزادولو په موخه پوځي عملیات په لاره اچول شوي دي.

د هرات ولایت د پولیسو ویاند رووف احمدی، د شنبې په ورځ وویل چې د دې کسانو تر برمته کیدو وروسته، امنیتي ځواکونو یو لړ عملیات په لاره اچولي ترڅو هغوی وژغورل شي. احمدي زیاته کړې ده چې تر اوسه پورې د پیښې په تړاو شپږ تنه شکمن کسان نیول شوي هم دي.

د هراف د پولیسو ویاند روښانه کړې ده چې اوس د هراف ولایت سپین ږیرې منځګړیتوب کوي چې دغه برمته شوي کسان آزاد کړي.

ټول برمته شوي کسان د «هولو ترست د ماین پاکوولو موسسې» افغان کارکوونکي دي چې د جمعې په ورځ د وسلوالو کسانو له خوا د هرات له ولایت څخه تښتول شوي دي.

لا تر اوسه پورې روښانه نه ده چې دغه ماین پاکوونکي د کومې ډلې له خوا برمته شوي دي، خو په افغانستان کې دیر وخت ناپیژندل شوي وسلوال د پیسو ترلاسه کوولو په موخه د موسساتو غړي له ځان سره بیایي.

په افغانستان کې د ۴۰ کلني جګړې له کبله، په ډیرو سیمو کې ماینونو فرش شوي دي چې د پاکولو له پاره اوس هم هڅې روانې دي.