1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په هرات کي د ښځينه پوليسو پر موټر چاودنه سوې

د هرات ښار هوايي دګر د ښځينه عملې پر موټر د سړک د غاړي يو ماين چاودلی او سخته مرگ ژوبله يې اړولې ده. په چاودنه کي د دوو ښځينه پوليسانو په گډون يو ملکي کس وژل سوی او ۱۰ نور ټپيان دي.

په هرات کي د يوې بلي پيښي انځور

په هرات کي د يوې بلي پيښي انځور

چاودنه د سهار پر اونيمو بجو د هرات ښار او هوايي ډګر ترمنځ لار کي د پوليسو دعملې پر موټر رامنځته سوه، چي ورسره په خواکي د ملکي کسانو يو ټر هم تخريب سوی دی.

د هرات د هوايي ډګر د اپراتيفي کنډک مشر سيد ولي شاه، دويچه ويله ته وويل، په پيښه کي يي ۷ تنه عمليه د ۶ ښځينه وو په شمول مړه او ټپيان دي.

د هرات د حوزوي روغتون وياند ډاکټرمحمد رفيق شيرزي په هرات کي دويچه ويله ته وويل:

« د چاودني له ځايه ۳مړي، چي يو ملکي موټرچلونکی ۲ ښځينه پوليساني۱۰ ټپيان راغلي چي په دغو کي هم څلور ښځينه پوليس او پاته ۶ تنه ملکي وګړي دي»

ده په ټپيانو کي د څوتنو روغتيايي حالت نازک وباله او ويې ويل سم د ستي تر درملني لاندي.

د پيښي يو ټپي، چي دده په وينا په هوايي ډګر کي يې د ژباړونکي دنده لرله وويل چاودنه زوروه.

دا په داسي حال کي ده، چي دوې ورځي مخکي د هرات د شنډنډ ولسوالۍ په مربوطاتو کي د واده د مراسمو پر يوه موټر د سړک د غاړي ماين وچاود يد، او د مېرمنو او ماشومانو په گډون يې ۱۶ تنه ووژل او ۴ نور پکښي ټپيان سول.

د يادونوي وړ ده چي د نن ورځي د پيښي پړه تر اوسه پوري چا په غاړه نه ده اخستې.

شريف شرفيار/ هرات

کتونکی: نجيب الله زيارمل