1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په ننګرهار کې د ناټو سرتیری ووژل شو

یوه امریکایي چارواکي د اسوشیتد پرس خبري آژانس ته ویلي دي چې په ننګرهار ولایت کې یو امریکایي سرتیری وژل شوي او دوه تنه نور ټپیان دي. پیښه د افغان او امریکایي سرتیرو تر منځ تر یوې نخښتې وروسته رامنځ ته شوې ده.

دغه پیښه هغه وخت رامنځ ته شوه چې د چهارشنبې په ورځ د ننګرهار د ولایتي مشرانو او په کابل کې د امریکا متحده ایالاتو د سفارت د یوه چارواکي تر منځ د ننګرهار د ولایت په ودانۍ کې غونډه روانه وه.

ناټو تایید کړې ده چې په پیښه کې یې خپل یو سرتیری له لاسه ورکړی دی خو ویلي يې نه دي چې دغه سرتیري کوم هیواد پورې تړاو لاره.

خو له واشنګټن څخه بیا یوه امریکایي چارواکي ویلي دي چې وژل شوی سرتیری امریکایي وو. دغه چارواکي د خپل نوم د نه خپرولو په شرط خبرې کړې دي.

دا د روان کال له پیله د ناټو دویم سرتیری دی چې په افغانستان کې خپل ژوند له لاسه ورکوي. لا تر اوسه پورې د پیښې نور جزئیات روښانه نه دي.

DW.COM