1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

په مکسیکو کې ۴۹ جسدونه پیدا سوي دي

په مکسیکو کې امنیتی ځواکونو داسې ۴۹ جسدونه پیدا کړي دي چې سرونه ئې پرې سوی وو. چارواکو ویلي دي چې په وژل سوو کسانو کې ۴۳ نارینه او شپږ ښځي دي.

د دوی مړي په سان خوان کې د مونترې پر سړک چې د امریکا سره په سرحد کې پروت دئ، په داسي حال کی پیدا سول چی ورسره د څیتا په نامه د مخدره موادو د مافیایې ډلې د خبردارۍ یو خط هم پروت وو. د دغو کسانو سرونه، پښې او لاسونه پرې سوي ول. دا ډول مړي په تېرو میاشتو کې هم په عامه ځایونو کې پیدا سوي دي. د چارواکو په نظر مافیایې ډلې غواړی په دې ډول په خپلو حریفو ډلو کې بېره رامنځته کړي.