1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

په مصر کي ناکرارۍ دوام لري

په مصر کي د پوليسو او احتجاج کوونکو تر منځ اخ وډب تېره شپه هم دوام درلودئ. راپورونه وايي چي په قاهره کي د کورنيو چارو وزارت يوې ودانۍ ته نژدې هم اخ و ډب رامنځ ته سوی دئ. ويل کيږي چي په غوسه سوو احتجاج کوونکو پر پوليسو ډبري اورولي دي. امنيتي چارواکو د احتجاج کوونکو په وړاندي له اوښکي بهونکي گاز څخه کار اخيستی دئ.

د حکومتي تلويزيون په وينا د شنبې په ماښام احتجاج کوونکو د ماليې وزارت يوې ودانۍ ته اور وراچولی دئ. د راپورونو له مخي د مصر په تازه احتجاجونو کي لږ تر لږه ۱۲انسانان وژل سوي دي. دغه احتجاجونه هغه وخت پېل سوه کله چي تېره اونۍ د فوټبال په يوه ميدان کي د اخ و ډب له کبله مرگ ژوبله رامنځ ته سوه.