1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په مزارشریف ښار کې چاودنې یو سوداګر وواژه

یوه افغان چارواکي ویلي دي چې په بلخ ولایت کې یوه ځانمرګي برید یو سوداګر وژلي او دوه تنه نور یې ټپیان کړي دي. پیښه په دې ولایت کې له یوه رستورانت څخه بهر رامنځ ته شوې ده.

د بلخ ولایت د پولیسو ویاند شیر جان دراني، ویلي دي چې د بلخ ولایت په مرکز مزارشریف کې د پنجشنبې د ورځې برید هدف ښايي یو ځایي سوداګر محمد غني وو چې د چاودنې له کبله وژل شودی دی.

د بلخ ولایت د پولیسو مرستیال محمد رزاق قادري، ویلي دي چې غني پخوانی جنګیالی او د مارمول ولسوالۍ مشر پاتې شوی دی. دراني روښانه کړې ده چې اوس پولیس د پیښې په اړه څیړنې کوي.

لا تر اوسه پورې کومې ډلې د برید پړه پر غاړه نه ده اخیستې.