1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

بشري حقونه

په مديترانې سمندرگي کي ۲۰ تنه کډوال ډوب سوي

په مديترانې سمندر گي کي يووار بيا د پناه غوښتونکو په کښتۍ کي يوه پېښه رامنځ ته سوې ده. ويل کيږي چي اروپا ته يووار بيا د ځان رسولو په هڅه کي احتمالاً لږ تر لږه ۲۰انسانانو خپل ژوند له لاسه ورکړی دی.

د چارواکو په وينا دغه پيښه د شنبې په سهار رامنځ ته سوې ده او دوی تر اوسه پور د ۲ تنو جسدونه له اوبو څخه را ايستلي دي چي يو يې کوچنی او بل يې يوه ښځه ده. زياته سوې ده چي د ۲۰ تنو ورکو سوو پناه غوښتونکو د پيدا کولو تلاښ لا ادامه لري.

ويل سوي دي چي په کرېټا کي له اوبو څخه يو ژغورل سوی کوچنی تر درملني لاندي دی چي سخت يخ وهلی دی.

د دغه کوچني ژوند له ګواښ سره مخامخ دی. د کرېټا د ساحلي سرحد ساتني يوه چارواکي ويلي دي چي د وخت په تېرېدو سره هغه هيلي هم مخ پر کمېدو دي چي د کښتۍ له حادثې څخه به ژوندي پاته سوي سپارلي پيدا سي. دوی د پيښي په ځای کي تر اوسه پوري ۶ انسانان ژوندي ژغورلي دي.



چارواکو ويلي دي چي د شنبې په سهار دوو بېړيو په اوبو کي د پناه غوښتونکو هغه کښتۍ موندلې وه چي پيښه پکښې رامنځ ته سوې ده. دغو بېړيو بيا د ساحلي سرحدي ساتونکي ادارې ته خبر ورکړی وو، چي هغوی په سمدلاسه توګه د دغي کښتۍ د سپارليو د ژغورلو په تلاښ کي سول.

په عيني وخت کي د يونان ساحلي ساتونکي ځواک د اوونۍ په پای کي ۳۸۸ پناه غوښتونکي له اوبو څخه ژغورلي دي. په دغو کي ۷۰ انسانان د ډوبېدو په حال کي ول چي له اوبو څخه را وايستل سول.

ساحل ساتونکي ځواک ويلي دي چي د اوبو له لاري د راتلونکو پناه غوښتونکو شمېر ورځ تر بلي مخ پر ډېرېدو دی. زياته سوې ده چي په دغو پناه غوښتونکو کي زياتره د افغانستان او سوريې سره وکړي ول.

د رسنيو د راپورونو له مخي د اېټاليا د مهاجرو کمپونو بالکل ډک سوي دي او د نورو کډوالو له پاره پکښي ځای نه سته. دا په داسي حال کي ده چي يوازي په تيرو دوو ورځو کي ۱۵۰۰ کډوال ورته راغلي دي.