1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

په مالي کې د القاعدې د مهم مشر د وژل کیدو ادعا

د چاد هیواد ولسمشر ادریس دیبي، ادعا کړې ده چې د دغه هیواد پوځ په مالي کې د القاعدې یو تن مهم مشر ابو زید، وژلی دی. فرانسې چې اوس په مالي کې یو پوځي مأموریت پر مخ بیایي، لا تر اوسه پورې د دغه ادعا پخلی نه دی کړی.

###ATTENTION EDITORS - THIS IMAGE WAS PROVIDED BY A THIRD PARTY. FOR EDITORIAL USE ONLY. NOT FOR SALE FOR MARKETING OR ADVERTISING CAMPAIGNS. THIS PICTURE IS DISTRIBUTED EXACTLY AS RECEIVED BY REUTERS, AS A SERVICE TO CLIENTS. NO SALES. NO ARCHIVES#### Abdelhamid Abou Zeid speaks in an unknown location in this still image taken from a undated file video footage obtained from Sahara Media on March 1, 2013. Sources close to Islamist militants and tribal elders in north Mali said on Friday there was no doubt one of al Qaeda's most feared commanders in Africa had been killed by French air strikes, though there was still no official confirmation. Abdelhamid Abou Zeid was among 40 militants killed four days ago in the foothills of the Adrar des Ifoghas mountains, where French forces have been locked in heavy fighting with Islamist rebels, the sources said. REUTERS/Sahara Media via Reuters TV (CIVIL UNREST)

Mali Abdelhamid Abou Zeid getötet Screenshot

ولسمشر دیبي ویلي دي چې د چاد هیواد پوځ د ابو زید په شمول دوه تنه اسلامپاله وژلي دي. د دې هیواد پوځیان د مالي هیواد شمالي پولې ته څیرمه له فرانسوي ځانګړو ځواکونو سره په ګډه له القاعدې سره د تړاو لرونکو وسله والو ډلو ځپلو له پاره مأموریت ترسره کوي.

د الجزایر د «النهار» په نوم ځایي تلویزون د پنجشبنې په ورځ د دې ادعا په اړه رپوټ ورکړې چې ابو زید څو ورځې مخکې د مالي هیواد په شمال کې د الجزایرو پولې ته څیرمه په غرنۍ سیمه کې وژل شوی دی. د جمعې په ورځ د فرانسې د حکومت یوې ویاندې نجات فالو بالقاسم (Najat Vallaud-Belkacem) په دې برخه کې له احتیاط څخه کار واخیست او وو یې ویل چې فرانسه د ابوزید د وژنې راپورونه تایید او یا هم ردولی نه شي.

په اسلامي مغرب کې د القاعدې قوماندانانو د تمبکتو په تاریخي ښار کې تر هغه وخت پورې سخت اسلامي شریعت نافذ کړی وو چې د روان کال د جنوري په میاشت کې د فرانسوي ځواکونو له لوري بیرته دغه ښار ونیول شو. په دغه سیمه کې د نوموړې ډلې موجودیت په نړیواله کچه داسې اندیښنې راپارولې وې چې ښایي د مالي شمالي برخه به د اسلامپالو پر پټنځای واوړي.

ویل کیږي چې ابو زید تر دې مخکې چې تندلاريتوب ته مخه کړې، یو قاچاقبر وو. پر هغه باندې د یو شمیر بهرنیو هیوادونو د اتباعو د برمته کولو تورونه لګول کیږي. ویل کیږي چې ابو زید له دې لارې په میلیونونو ډالره تر لاسه کړي دي. پر هغه باندې په ۲۰۰۹ کال کې د یوه بریتانوي او په ۲۰۱۰ کال کې د یوه فرانسوي د وژلو تور هم لګول کیږي.

د رویترز خبري آژانس د مالي په شمال کې د کیدال له سیمې څخه د یوې سرچینې له قوله ویلي دي چې د طوارق یاغیانو په غرنۍ سیمه کې د ابو زید د جنګیالیو پټنځایونه په ګوته کړي او فرانسوي جنګي جیټ الوتکو ته یې د برید کولو له پاره د دغه موقعیت په اړه معلومات ورکړي دي. د طوارق یاغیان له فرانسوي ځواکونو سره کار کوي.

په کیدال کې یوې ځایي سرچیني ویلي دي: «هغوی [ابو زید او ملګري یې] په داسې حال کې وژل شوي دي چې په غرنیو سیمو کې پټ ول او د ځانمرګو بریدونو له پاره یې بمونه چمتو کول.»