1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

په لیبیا کي څه د پاسه ۱۰۰ تنه وژل سوي دي

د لیبیا په لوېدیځ کي د مختلفو ګروپونو تر منځ په نښتو کي د یوې اوونۍ په ترڅ کي څه د پاسه سل تنه وژل سوي دي. لکه څرنگه چي یوه حکومتي ویاند ویلي دي، د سینتان د ښار پر شاوخوا غرنۍ سیمه کي۵۰۰ کسان زخمیان سوي هم دي. د ده په حواله حکومتي پوځ هم په اول سر کي د شخړي د لا زیاتېدو له بېري کوم اقدام ونکړ. ویل کیږي چي له دوو ورځو راهیسی یو څه آرامي راغلې ده. ډاکټران او نرسان نوموړو سیمو ته استول سوي دي تر څو د زخمیانو حالت له نژدو څخه وګوري او هغوی امنیتي ځایونو ته انتقال کړي. د سینتان د ښار د جنګیالیو او د ال مشاشیه په نامه قوم تر منځ نښتي د جون د میاشتی پر یوولسمه نېټه پیل سوې. د نښتو علت د سینتان د یوه مشر وژل کېدل دي.