1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په لوګر ولایت کې څرخي الوتکه لویدلې خو صاحب یې معلوم نه دی

د لوګر په ازره ولسوالۍ کې یوه الوتکه لویدلې ده. طالبانو ته نزدې سرچینو ویلي دي چې الوتکه ناټو ځواکونو پورې تړلې وه خو ناټو دغه خبره رد کړې. اوس چارواکي په دې سره موافقې ته نه دي رسیدلي چې الوتکه د چا او کوم هیواد وه.

آرشيف انځور

آرشيف انځور

طالبانو ته نزدې سرچینو په تویتر ټولنیزه رسنه کې ادعا وکړه چې له ازره ولسوالۍ کې یې د ناټو یوه څرخې الوتکه غورځولې ده.

دا په داسې حال کې ده چې په افغانستان کې د ناټو د بریکړنده ملاتړ ماموریت، په رسمي تویتر پاڼه کې بیا دغه خبره رد شوي دي. په دې پاڼه کې په خپور شوي یو لنډ پیغام کې راغلي دي: «داسې ښکاري چې دغه ناټو پورې تړلې الوتکه نه ده.»

له بلې خوا سیمه ییزو افغان چارواکو ادعا کړې ده چې د ازره ولسوالۍ په مسجد سفید سیمه کې لویدلې الوتکه پاکستانۍ ده.

د لوګر ولایت ویاند سلیم صالح، ویلي دي چې الوتکه د طالبانو تر کنترول لاندې سیمه کې لویدلې ده او په کې سپاره شپږ ژوندي پاتې شوي کسان د طالبانو لاس ته لویدلې دي.

صالح ویلي دي چې په الوتکه کې سپاره کسان پاکستانیان وو. خو پاکستاني امنیتي سرچینو بیا ټینګار کړی دی چې د دې هیواد کومې الوتکې د پنجشنبې په ورځ د افغانستان په فضا کې پرواز نه دی کړی.

طالبانو لا تر اوسه پورې په دې اړه کومه بیانیه نه ده ورکړې.

پر ورته موضوع یو انځوريز البوم زموږ له آرشيف څخه (10.08.2015 ):

DW.COM