1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په لغمان کې څلور یاغیان او دوه پولیس وژل شوي

یوه افغان چارواکي ویلي دي چې طالبانو په لغمان ولایت کې پر یوې امنیتي پوستې باندې برید کړی او دوه پولیس یې وژلي دي. په پېښه کې د ۷ ملکيانو د هم وژل کېدنې خبر هم ورکول شوی.

Afghanistan Kämpfe in der Provinz Laghman (Reuters/Parwiz)

آرشيف انځور

د لغمان ولایت ویاند سرحدي ځواک، ویلي دي چې پېښه د علي شینګ په وسلوالۍ کې د دوشنبې په شپه (د ۲۰۱۷کال د جولای ۱۰ مه نېټه) رامنځ ته شوې ده. د ځواک په خبره د پولیسو پر پوستې باندې د طالبانو برید دوه ساعته دوام وکړ چې په پایله کې یې د ښځو او ماشومانو په ګډون اووه ملکي وګړي ووژل شول.

د اسوشيېتد پرېس خبري آژانس د خبر له مخي دغه افغان چارواکي ويلي چي تر برید وروسته سیمې ته اضافي سرتیري استول شوي دي چې له کبله یې افغان امنیتي ځواکونه وتوانیدل تر سختې جګړې وروسته طالبان پر شا وتنبوي.

ځواک روښانه کړې ده چې په نښتو کې د طالبانو ځايي قوماندان ادم خان، او څلور تنه نور یاغیان هم په نښتو کې وژل شوي دي. طالبانو لا تر اوسه پورې د پیښې په اړه څه نه دي ویلي.