1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په لغمان او خوست ولايتونو کي سيلابونو ۲۱ کسه وژلي دي

په تيرو دوو ورځو کي د لغمان او خوست ولايتونو په بيلابيلو ولسواليو کي د سختو اورښتونو او سيلابونو د راتلو له امله تر۴۰ ډير کسان وژل سوي او ټپيان سوي دي او يو شمېر خلک هم ورک دي.

د خلکو په وينا د استوګنوکورونه ځمکي، دوکانونه او نورعام المنفعه شتمني زيانمني سوي دي.

د خلکو په وينا د استوګنوکورونه ځمکي، دوکانونه او نورعام المنفعه شتمني زيانمني سوي دي.

د لغمان ولايت په بيلابيلو ولسواليوکي د چارشنبې په شپه د سختو اورښتونو له امله سيلابونو د خلکو د سر پر زيانونو سربيره درانده مالي زيانونه هم اړولي دي.

د لغمان ولايت د طبيعي پیـــښو سره د مبارزې رييس محمد نعيم حيدري وايي: دغه سيلابونه پر مرکزسربيره د الينګار، اليشنګ، قرغيواو دولت شاه په ولسواليو کي تاوانونو رسولي دي.

دده په ويناددغوسيلابونوله امله ۱۱ تنه مړه سوي او د شپږو کيبلي او يو اساسي پل سربيره يې په لسګونو د استوګنوکورونه او په زرګونه جريبه کرهڼيزه ځمکه له منځه وړېده.

د سيمي سيلاب ځپلو خلکو المان ږغ راډیو ته وويل چي پدغو ســـيلابونو کي د سر پر زيانونو سربيره درانده مالي زيانونه هم ور اوښتي دي.

د خلکو په وينا د استوګنوکورونه ځمکي، دوکانونه او نورعام المنفعه شتمني زيانمني سوي دي.

بله خوا د خوست ولايت په موسى خيلو ولسوالۍ کي هم د سختو بارانونو او سيلابونو له امله يوشمېر کسان وژل سوي،او ځيني يې لا درکه دي.

تېره ورځ د نوموړي ولسوالۍ څخه خوست ښار ته يو شمېر راغليوکسانو المان ږغ راډيوته وويل چي د تېرو څو ورځو راهيسي د سيلابونو د راتلو له امله د شلو څخه زياتو کسانو ته مرګ ژوبله اړولي او ګڼ شمېر کورونه، دوکانونه او موټرونه يې له

منځه وړي دي.

د موسي خيلو ولسوالۍ اوسيدونکو زياته کړې چي تر دې مهال ورسره چا مرسته نه ده کړې.

موسى خيل د خوست ولايت د ليري پرتو سيمو څخه ده چي د پکتيا ولايت د جانيخلو ولسوالۍ سره ګډه پوله لري.

د موسي خيلو ولسوالۍ اوسيدونکو زياته کړې چي تر دې مهال ورسره چا مرسته نه ده کړې

د موسي خيلو ولسوالۍ اوسيدونکو زياته کړې چي تر دې مهال ورسره چا مرسته نه ده کړې

د سيمي اوسيدونکو وويل چي د موسى خيلو ولسوالۍ په بيلابيلو سيمو کي تر ۲۰زيات کسان د سيلابونو له امله مړه او ژوبل سوي دي. دوﺉ وايي چي تر دې مهال چا ورسره مرسته نه ده کړي او خوست ښار ته يې د راتلو لاره هم بنده ده.

د خوست ولايت د طبعي پېښو سره د مبارزې رييس انجنيراكبر وايي چي د دغه ولايت د موسى خېلو ولسوالۍ د غلنګ په سيمه كي شپږ كسان لا دركه سوي چي

تر اوسه يې د درو مړي موندل سوي او درې نور يې اوس هم لا دركه دي.

د انجنيراكبر په خبره بارانونه د خوست په ټولوسيموكي سوي او تراوسه ورته د هرې سيمې راپورنه دي رسيدلي، د هغه په خبره كيداى سي چي د سيلابونو له امله د زيان كچه تر دې هم ډيره سي.

تير کال هم د خوست ولايت په موسى خيلو ولسوالۍ کي د ورته سيلابونو د راتلو له امله د سيمي خلکو ته مرګ ژوبله اوښتې ول.

شمع/ فريدالله

کتونکی. زيارمل