1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

په لسونو افغان مهاجر په يوه لارۍ موټر کي بې سده موندل سوي

د رسنيو د راپورونو له مخي په يوه کوچنۍ لارۍ موټر کي په لسونو مهاجر په داسي حال کي موندل سوي چي ټول بې سده ول. دغه موټر چي د بريتانيا لمبر پليت ئې لاره په کرويشا کي نيول سوی دئ.

د کروشيا مامورينو تائيد کړې ده چي د شنبې په ورځ ناوخته د دغه هيواد نوسکا ښار ته نژدې پر لويه لار پوليسو يو داسي لارۍ موټر درولی چي په پکښې ۶۲ انسانان پټ کړل سوي ول. د دوی د معلوماتو له مخي دغه کسان ټول د افغانستان او پاکستان وکړي دي.

د کروشيا له پلازمېني زاگرب څخه د راپورونو له مخي په دغه لارۍ موټر کي د کاربن مونوکسيد او هايپوترميا بوی د تنفس له کبله ډېری کسان بې سده سوي دي او يوه نژدې روغتون ته انتقال سوي دي.

د دغه قاچاقي موټر چلوونکی چي غوښتل ئې په غير قانوني توگه له سربستان څخه کروشيا ته مهاجر انتقال کړي تښتېدلی دئ.

سربستان او کروشيا د بالکان مسير پر لاره پراته هيوادونه دي. دغه مسير غربي اروپا ته د مځکي له لاري رسېدو غوره لار بلل سوې ده.

تير کال له دغي لاري (بالکان مسير)، له يونان څخه د مکدونيا، سربستان، کروشيا او سلووانيا له لاري تر يو ميليون زياتو انسانانو اتريش او بيا په ځانگړې توگه جرمني ته ورسېدل.

دغه لار بيا د تيرکال په ژمي کي په مقدونيا کي په يوه اغزن دېوال سره وټړل سوه. خو د اروپايي ټولني د سرحدونو د خونديتوب ماموريت «فرونتکس» د معلوماتو له مخي بيا هم د د روان کال په جريان کي نژدې ۱۸۰۰۰۰ مهاجرو له دغي لاري ځانونه غربي اروپا ته رسولي دي.

نور مطالب:

DW.COM