1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په فراه کې بمي چاودنه، درې تنه مړه تر پنځوسو ډېر ټپيان شوي دي

د افغانستان په لويديځ کې د يو بمي بريد په نتيجه کې لږ تر لږه درې تنه وژل شوي او تر پنځوسو ډېر وگړي ژوبل شوي دي. په فراه کې مقاماتو وويل چې دغه چاودنه د سړک غاړې ته د پوليسو په يو موټر باندې تر سره شوه. په ژوبل شويو کسانو کې لس تنه کوچنيان هم راځي.

دغه چاودنه د سړک غاړې ته د پوليسو په يو موټر باندې وشوه

دغه چاودنه د سړک غاړې ته د پوليسو په يو موټر باندې وشوه

د افغانستان د کورنيو چارو وزارت زياته کړه چې د چاودنې هدف د پوليسو مشر سيد اغا ثاقب و چې ده ته په کې کوم زيان نه دی اوښتی. ثاقب وويل چې د مخدره توکو قچاق وړونکي هم کېدای شي د دې عمل تر شا ولاړ وي. دا په داسې حال کې ده چې په گاونډي هلمند ولايت کې د افغانستان دولتي ځواکونه ادعا کوي چې په گرشک ولسوالۍ کې يې څلور تنه طالبان وژلي او اته لس نور نيولي دي.