1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

په فرانسه کې د یوه ترهګریز برید احتمال

د فرانسې په شانزه لیزه لوی سړک کې یوه سړي خپل موټر د پولیسو پر موټر ور ورستی دی. ویل کیږي چې یوه چاودنه به رامنځته شوي وي. څيړونکي اټکل کوي چې دا یو برید وو، نه حادثه.

په پلازمېنه پاریس کې چارواکو اعلان کړی دی چې د پاریس د ترهګرۍ ضد څارنوالۍ د شانزالیزه په سړک کې د پولیسو پر موټر د احتمالي برید په اړه خپلې څیړني پیل کړي دي.

ویل کیږي چې د دغه موټر چلونکی چې کیدای شي وسله یې هم لرلې وي، ځان سخت ټپي کړی دی. د فرانسې د کورنیو چارو وزات یوه ویاند ویلي دي «ډیر احتمال شته چې نوموړی کس مړ وي». ویاند زیاته کړې چې په دې پيښه کې بل څوک نه دی ټپي شوی.

د دغې پيښې په تړاو تر اوسه پورې دقیق معلومات دي ورکړل شوي. په داسې حال کې چې د فرانسې خبري آژانس د موټرو تر جنګیدو وروسته د یوې چاودنې رامنځته کیدو خبر ورکړی وو، خو نورو رسنیو بیا ویلي دي چې موټر اور اخیستې دی.