په غزنې کې اربکي ځواکونه جوړیږي | افغانستان | DW | 09.11.2011
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په غزنې کې اربکي ځواکونه جوړیږي

په غزني کې محلي پولیس جوړیږي. افغان چارواکي د دغه بهیر د پلي کولو په موخه د دغه ولایت له مشرانو سره په خبرو اترو بوخت دي. دا په داسې حال کې ده چې د غزني ولایت یو شمیر مشران د محلې پولیسو د جوړیدو سره مخالف دي

د افغان محلي پولیسو د جوړیدو وړاندیز د متحده ایالاتو لخوا شوی دی

د افغان محلي پولیسو د جوړیدو وړاندیز د متحده ایالاتو لخوا شوی دی

ټاکل شوې چې د افغانستان په ناامنه ولایت غزني کې د لومړي ځل لپاره اربکي ځواکونه رامنځ ته شي. په دغه لړ کې د غزني ولایت له یو شمیر مشرانو سره خبري او سلا مشورې پیل شوي دي.

اربکېان چې د محلي پولیسو په نامه هم یادیږي د دولت په چوکات کې دندې تر سره کوي. دغو ځواکونو ته وسلي او معاش دواړه د افغانستان دولت ورکوي.

د غزني امنیتي چارواکي وایي چې په لومړي ځل کې به ۱۲۰۰ سیمیز پولیس د ګیلان، اندړ، ده یک او قره باغ په ولسوالیو کې په دندې وګمارل شي.

د غزني د امنیې قوماندان، زړور زاهد، چې د ګیلان نا امنه ولسوالۍ ته د دغې لړۍ د پیل لپاره ورغلی وو له قومي مشرانو وغوښتل چې خپل هوښیار او روغ ځوانان په سیمیزو پولیسو کې د شاملېدو په موخه دوي ته ور وپیژني.

هغه د سیمې د مشرانو سره د لیدني پر مهال وویل چې د محلي پولیسو د جوړولو بهیر یو محلي بهیر دی او د هغوی د سیمي ځوانان به په کې شاملیږي.

دا په داسې حال کې دی چې د غزني د ګیلان د ولسوالۍ خلکو د اربکیو ځواکونو له جوړیدو سره موافقه نه لرله. هغوی ویل چې د زور پالو تر سخت اغیزې لاندي دي او نشي کولای چې خپل ځوانان سیمیزو پولیسو ته ور وپيژني. د هغو په وینا د دې کار په کولو سره به لا د یاغیانو له کواښ سره مخامخ شي.

په غزني ولایت کې چې له پلازمیني کابل څخه یو سل او دریش کیلومتره واټن لري په داسي وخت کې د سیمیزو پولیسو په جوړیدو لاس پوري کیږي چې ټاکل شوي د دغه ولایت امنیتي چاري هم د امنیت د لیږد په دوهم پړاو کې افغان دولت ته وسپارل شي.

دویچه ویله/ جلالزی
کتونکی: مسعود جهش

DW.COM