1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

NRS-Import

په شمالي کوریا کې د ممکنه کړکیچ له امله جاپان د مهاجرینو له پاره پلان جوړوي

د جاپان لومړی وزیر شینزو ابي، وایی چې هیواد یې د کوریا په ټاپوزمه کې احتمالي کړکیچ ته پر پلانونو باندې کار کوي. دا موضوع په داسې حال کې مطرح کیږي چې د امریکا او شمالي کوریا ترمنځ ترینګلتیا ډیره زیاته شوې ده.

جاپان ویره لري چې په شمالي کوریا کې د پوځي کړکیچ د رامنځته کیدو په صورت کې کیدای شي د دې هیواد ګڼ شمیر مهاجرین جاپان ته مخه کړي.

د جاپان لومړي وزیر شینزو ابي، د دوشنبې په ورځ د پارلمان یوې غونډې ته په خبرو کې وویل چې حکومت په داسې لارو چارو کار کوي چې له امله یې بهرنیو اتباعو ته خوندیتوب، د راتګ آسانتیا، د سرپناه جوړول او همدا راز د پناه غوښتونکو د ثبت او ارزونې له پاره منظم سیستم رامنځ ته شي.

شنیزو ابې دغه څرګندونې د یوې داسې پوښتنې په ځواب کې کړي دي، چې تر دې مخکې به هم کله نا کله ترې پوښتل کیده. خو اوس په داسې حال کې چې د شمالي کوریا او امریکا متحده ایالاتو ترمنځ کړکیچ مخ پر ډیریدو دی دغه پوښتنه تر پخوا ډیر عملي اړخ لري.

د جاپان لومړي وزیر همدا راز د پارلمان غړو ته په خپلو خبرو کې وویل چې حکومت په شمالي کوریا کې د کړکیچ د رامنځته کیدو په صورت کې په داسې پلانونو هم کار کوي چې له دې هیواد څخه د جاپان اتباع بیرته خپل هیواد ته انتقال کړي.

له ارشیف څخه:

DW.COM