1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

په شرقي المان کي د ترهگري برید په شک د پولیسو عملیات

الماني چارواکو ویلي دي،چي پولیسو د شنبه په ورځ د یوه پلان سوي برید په شک لوی عملیات تر سره کړل. د کمینیس په ولایت کي پر یوه سوریايي باندي شک کیږي،چي غوښتل یې بمي چاودنه تر سره کړي.

ددغه ولایت د مرکز درسدن ښار د جنايي پولیسو یوې ویاندې ویلي دي، چي هلته د چاودیدونکو موادو د یوه برید شک موجود دی او هغه کیدای سی اسلام گرايی پسمنظر ولري.

د ویاندې په خبره له دې کبله یو استوگنځای محاصره او تر یوه حده پوري یې اوسیدونکي وایستل سول . همدارانگه یو شکمن کس په تیښته کي دی. دغه شکمن کس یو ۲۲کلن سوریايي دی، چي په سوریه کي زیږیدلی دی. پر هغه باندي شک کیږي ، چي غوښتل یې د چاودیدونکو موادو یو برید تر سره کړي. خو دهغه ددغه شکمن عمل انگیزه تراوسه پوري معلومه نده.