1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

په سوریې کې سختې نښتې روانې دي

په سوریې کې د بشار الاسد پورې تړلو ځواکونو او پاڅون کوونکو تر منځ د نوو نښتو خبر ورکړل شوی دئ. د پاڅون کوونکو په حواله حکومت د ۲۰۰۰ په شاوخوا کې سرتيري د «الیپو» ښار ته د استولو له پاره چمتو کړي دي.

دا په داسې حال کې ده چې حکومتي ځواکونو ښایي د دمشق ښار تر سختو بریدونو لاندې نیولی وي. ویل کیږي چې د دمشق اوسیدونکې د خپل امنیت په اړه اندیښنه لري او له همدې کبله ډیرې کورنۍ د «التال» په نامه سیمې څخه وتلو ته اړ سوي دي.

د سوریې د اپوزیسیون په حواله د حما ښار ته نزدې پر یوه مسجد باندې د یوه برید له امله «حکومتي سرتیرو» تر دیرشو تنو پورې انسانان وژلي دي. دغه خبر لا تر اوسه پورې کومې خپلواکې سرچینې نه دئ تأیید کړی.