په سوریه کې لا هم نښتې ادامه لري | دويچه ويله پښتو | DW | 28.08.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

په سوریه کې لا هم نښتې ادامه لري

په سوریه کې د دوشنبې په ورځ د وسله والو نښتو او بمباریو رپوټونه ورکړل شوي دي. د خبري آژانسونو په وینا د پلازمینې دمشق په اطرافو کې د یاغیانو پر مورچلو باندې جنگي الوتکو بمباري کړي ده او یاغیان وایي چې دا لومړی وار دئ چې د دمشق په اطرافو کې دولتي ځواکونه بمباري کوي. د سوریې د اپوزیسیون فعالین ادعا کوي چې د دوشنبې په ورځ د سوریې په اطرافو کې په بریدونو کې شپیته تنه وژل شوي دي.

دغه بریدونه یوه ورځ وروسته تر هغې تر سره کیږي چې د درعا په گاونډ کې د یوې ډل وژنې تور پر دولتي ځواکونو پورې کیږي. د ملگرو ملتونو عمومي منشي بانکي مون دغه ډل وژنه په کلکه غندلې او دا ئې یو ظالمانه عمل بللی دئ. په عین وخت کې بانکي مون د دغې پیښې په آزادانه توگه د پلټنو غوښتنه کړې ده. له بل پلوه د فرانسې ولسمشر د سوریې په اپوزیسیون غږ کړی دئ چې یو مؤقتي دولت تشکیل کړي.