1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

«په سوريه کي نور له دباندي څه نه سي کيدای»

د آلمان د دفاع وزير توماس ديميزير، په ترکيه کي تر چاودنو وروسته په سوريه کي د پوځي مداخلې خبرداری ورکړی دی. له بلي خوا ترکیې پر نړیوالي ټولنې باندې تور لگوی دی چې د تر کیې په برخه کې کوم اقدام نه کوي.

BERLIN - NOVEMBER 22: German Interior Minister Thomas de Maiziere speaks at the annual convention of the Labour Union of Police (Gewerkschaft der Polizei) on November 22, 2010 in Berlin, Germany. De Maiziere recently announced that Islamic terrorists are planning attacks on German territory to take place towards the end of November. The entire country is on high alert, and speculation has centered around a possible attack on the Reichstag in Berlin, seat of the German parliament, especially after the cupola was closed to the public today. (Photo by Sean Gallup/Getty Images)

Bundesverteidigungsminister Thomas de Maiziere GESPIEGELT

په ترکيه کي تر سختو خونړيو چاودنو وروسته په سیمه کې د یوه لوی کړکیچ د رامنځ ته کیدو په اړه اندیښنې راپورته شوي دي.

د ترکيې د دولتي سياستوالو په اند د دغو پيښو نښانې د سوريې جمهور رئيس بشارالاسد، ته رسیږي. د سوريې اپوزيسيون هم په ترکيه کي د ترهگرو بريدونو مسئولين په دمشق کي ويني. د آلمان د دفاع وزير توماس ديميزير، په ترکيه کي تر چاودنو وروسته په سيمه کي د وضعيت په اړه خوش بينه نه دئ.

هغه د آلمان له لومړي تلويزيوني چينل سره په مرکه کي ويلي دي: «موږ اوس ناچاره يو او که رښتيا و وايو موږ اوس د خپلو عملي امکاناتو په اړه حیران شوي یو. اوس هڅه کیږي چې یو کنفرانس جوړ شي. که امریکایان او روسان دغه کار په گډه وکړي نو د هیلو یو څرک لیدل کیدای شي، خو تر دې ډیر نه. موږ د سوریې او ترکیې پر پوله باندې د چاودنې د قربانیانو په اړه خواشینه یو. داسې کسان شته چې غواړي کړکیچ لا پسې پراخه شي. زموږ د عملي کار توان ډیر محدوده دی. موږ اوس د ملگرو ملتونو له خوا د یوه پوځي ماموریت له توضیفولو سره ډیر واټن لرو. دا یو ناوړه انکشاف دی چې له مخې یې موږ نه شو کولای له بهر څخه ډیر نفوذ وارد کړو.»

د ترکیې د بهرنیو چارو وزیر احمد داود اغلو، په برلین کې د شنبې د ورځې د بریدونو له کبله پر نړیوالې ټولنې باندې هم نیوکه وکړه چې په تیرو دوو کلونو کې د سوریې په برخه کې د یوه عملې کار په ترسره کوې کې پاته راغلې ده. تر دې مخکې د یکشنبې په ورځ په ترکيه کې دوه موټر بمونه وچاودیدل چې له کبله یې ۴۶ کسان ووژل شول او شاوخوا ۱۴۰ تنه نور ټپیان شول.

پولیسو تر اوسه پوري د یکشنبې ورځې د چاودنو په تور نهه کسان نیولي دي. د ترکي رسنیو په حواله د یکشنبې ورځې د چاودنو په تور نیول شوي کسان د «Revolutionary People's Liberation Party/Front» او د «Turkish People's Liberation Party-Front» ډلو غړي دي. د ترکیې حکومت پر دغو دوو ډلو باندي تور لګوي چې د سوریې د رژیم له استخباراتي ادارې سره یوځای يې دغه چاودنې پلان کړې وې.

ټول نیول شوي وګړي ترکان دي. ترکي چارواکو زیاته کړې ده چې د نیول شویو کسانو په ډله کې د بریدونو پلانوونکی هم شامل دی. ترکي چارواکو ټینګار کړی دی چې هغوی اوس د نورو تورونو کسانو په لټه کې دي. یو شمیر ترکي چارواکو ویلي دي چې دغه بریدونه د دمشق د استخباراتي ادارې ته د نزدو ډلو له خوا ترسره شوی دی.

دا په داسې حال کې ده چې د سوریې رژیم د ترکیې په پېښو کې هر ډول ښکیلتیا رد کړې ده. د سوریي دولتي رسنې «سنا»، د دغه هیواد د اطلاعاتو د وزیر په حواله ویلي دي چې د ترکیې حکومت دا خبره منلي ده چې د سوریې او ترکیې تر منځ پولې د نړیوالې ترهګرۍ په مرکز باندي بدله شوې ده. هغه ټینګار کړی دی چې له دې کبله باید ترکیه د دغې پېښې اخلاقي او سیاسي مسئولیت پر غاړه واخلي.

ترکیه د سوریې د پاڅونکوونکو ملاتړ کوي. په سوريه کې د کورنۍ جګړې تر بیلیدو وروسته دغه هیواد ته ډیر شمیر سوریایي ګډوال راغلي دي.