1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

په سوريه کي امنيتي ځواکونو يو ځل بيا ولسي کسانو ته مرګ ژوبله واړوله

د نورو مشرانو تر څنګ د ملګرو ملتونو سرمنشي بان کي مون هم د سوريې د ولسمشر څخه غوښتي چي د ولسي کسانو په وړاندي د تاوتريخوالي څخه لاس واخلي.

default

په سوریی کی د جمعی د لمانځه څخه وروسته د دغه هیواد د پلازمینی ، دمشق په شمول په مختلفو ښارونو کی د خلکو احتجاجونو د اسد د کورنی د 40 واکمنی ته ستر ګواښ رامنځ ته کړ. د سوریی له جنوبی څخه رپوتونه وایی چی د ولسمشر بشار الاسد رژیم امینتی حواکونو دغو احتجاجونو ته د برچی په زور ځواب ورکړ او یو ګن شمیر خلک یی ووژل.

که څه هم د رژیم مخالف غورحنګ ونه توانید چی د جمعی په ورځ له لمانځه څڅه وروسته په ټول هیواد کی خلک پاڅون وهڅوی، خو په ځینو ښارونو کی خلک سړکونو ته راووتل او د اسد د رژیم د واکمنی د پای لپاره یی غوښتنه وکړه.

په دمشق کی کابو 200 تنه د ښار په مرکز کی راټول شوی ؤ. د رویترز د خبری آژانس د یو رپوټ له مخی په جنوبی ښار «درعا» کی په لس گونو زره خلک د هغو کسانو د جنازو په مراسمو کی برخه واخیستله چی له دی مخکی د رژیم د امینتی ځواکونو له خوا وژل شوی ؤ. هغوی په داسی حال کی چی جنازی لیږدولی، « د آزادی» شعارونه یی ورکول. د دغه ښار په یوه مرکزی برخه کی د رویترز یو خبریال وویل چی هغه په خپلو سترګو ولیدل چی مظاهره کونکو د د پخوانی ولس مشر حافظ الاسد مجسمی رانسکوری کړلې، له هغی وروسته د رژیم امینتی ځواکونو پر مظاهره کونکو باندی له شا او خوا ودانیو څخه پر ګولیو ډزی وکړی.

د هغه د وینا له مخی د خلکو یو دری زره کسیزه ګڼه ګونی ډله د ګولیو د باران او د اوښکی بهیونکی ګاز سره تیت تو پرک شوه. دغه خبریال وویل چی په سړکونو کی مړی پراته ؤ او ټپیان روغتونو ته ولیږدول شول، خو هغه نه شی ویلای چی څه شمیر به په دغی پیښه کی وژل شوی وی.

دغه راز د صنعمين په ښار کی چی هغه هم د سوریی په جنوب کی پروت دی، خلکو پرون په پاڅون لاس پوری کړ. د سیمی اوسیدونکو د رویتزر خبری آژانس ته وویل چی هلته 20 تنه هغه وخت ووژل شول چی د رژیم د پوځی استخباراتو له یوی ودانی څخه پری ډزی وشی.

د سوریی دولتي خبری آژانس هم په دغه ښار کی د مرګ ژوبلو خبر منلی ، خو په خپل رپوټ کی يې ويلي چی دولتی امنیتی ځواکونو « پر وسلوالو خلکو ډژی کړی» نه پر مظاهره کونکو.

دغه راز د حما په ښار کی چی د سوریی په مرکزی پرخه کی پروت دی هلته هم خلک سړکونو ته ووتل. په دغه ښار کی په 1982 کال د بشار الاسد پلار، حافظ الاسد، د اسلام پالونکو یو پاڅون په خونړی توګه وټکاوه او په زر ګونو تنه یی ووژل . د حما د ښار اوسیدونکی د جمعی له لمانځه خخه ورسته په لاریون لاس پوری کړ او د « ازادی، آزادی» شعارونه ورکول.

امریکا متحه ایالاتو، فرانسی، بریتانیا او یو شمیر نور لویدیځو هیوادونو له ولسمشر بشار الاسد څخه وغوښټل چی د پاڅون کونکو پر ضد له زور زیاتی څخه کار وانخلی. دغه غوښتنی یوه اونی وروسته له هغی کیږی چی دغو هیوادونو په لبیا کی د قذافی د رژیم د ځواکونو پر ضد په پوځي عملیاتو لاس پوری کړ.

څارونکی په دی نظر دی چی ګمان نه کیږی چی لویدیح متحدین د سوریی له رژیم سره هسی چلند و کړی، لکه چی اوس یی له لبیا سره کوی.

د ملګرو ملتو عمومی منشی بان کی مون له بشار الاسد څخه په یوه تیلفونی تماس کی وغوښتل چی د مظاهرو په وړاندی دی « له پوره زغم » څخه کار واخلی او خپلو امنيتی ځواکونو ته دی سپارښتنه وکړی چی د ولسی وګړو په وینو تویولوو دی لاس نه پوری کوی.

عبدالباري حکيم / آژانسونه

کتونکی: احمد ږلي اڅکزی