1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په سلهاوو افغانان حج ته له تلو پاته سوي

د حج او اوقافو وزارت مالي او اداري معين داعي الحق عابد وايي ۳۰ زره او ۵۵ افغان حج زايرين سعودي عربستان ته ليږل سوي، خو۷۵۰ يې د سعودي عربستان سفارت له خوا د ويزې د نه ترلاسه کولو له امله د حج له مراسمو څخه پاته سول.

د حج له مراسمو څخه پاته سوی افغانان

د حج له مراسمو څخه پاته سوی افغانان

د ښاغلي عابد په وينا راتلونکي کال کي به دغه ۷۵۰کسان په فوق العاده توګه د حج په موخه سعودي عربستان ته وليږل سي.

د حج او اوقافو وزارت چارواکي وايي تراوسه په سعودي عربستان کي۱۰افغانان د ناروغيو او ترافيکي پيښو له امله مړه سوي او ۹نور ټپيان دي.

د حج او اوقافو وزير تيره اونۍ د حج په پروسه کي د فساد له امله د ولسي جرګې له سخت غبرګون سره مخ سو او ځينو وکيلانو خو دده د استيضاح غوښتنه هم وکړه.

وکيلانو ويلي چي د حج په پروسه کي پراخ فساد او په سعودي عربستان کي د افغان حجاجو د ستونزو پر اساس به د حج او اوقافو وزير د استيضاح غونډي ته وروبولي.

خو د حج او اوقافو وزير ډاکټر محمد يوسف نيازي له سعودي عربستان څخه د ټيلفون پر ليکه دويچه ويله پښتو انټرنيټ پاڼي ته وويل، چي په دغه هيواد کي يې د افغان حجيانو ټولي ستونزي هواري کړي او عرفات غونډي ته د افغان حاجيانو ليږدونه په بريالتوب سره ترسره سوه.

« الحمدالله ټول افغان حجيان په خير او سلامتي سره د عرفات غونډۍ ته ورسېدل او تر لمر لويدو وروسته يې د مزدلفې پر لور يو ځای حرکت وکړږ»

د حج او اوقافو وزارت چارواکي وايي سږ کال ۳۰زره او ۵۵تنه حجيان د اريانا افغان او کام اير هوايي شرکتونو په الوتکو کي سعودي عربستان ته وليږدول سول.

په دي وروستيو څو کلونو کي سعودي عربستان ته د افغان حج کوونکو د تلو شمير زيات سوی دی، چي ترډيره په هيواد او يا هم سعودي عربستان کي له بيلابيلو ستونزو سره مخ کيږي.

اسماعيل شاکر/ کابل

کتونکی: نجيب الله زيارمل

DW.COM

اړوند مطالب