1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

په سرحد آيالت کې د فلمونو پلورونکو ته گواښ شوی دی

د پاکستان د شمال لويديځ ولايت په سوابي سيمه کې مشکوکو اورپکو د سي ډي گانو پلورونکو او د کيبل ټلويزيون چلونکو ته گواښ کړی دی چې بمونه به والوځوي که نوموړي خپل تجارت د جون تر پنځه لسمې نېټې پورې پرې نه ږدي.

په اردو ژبه د اورپکو پيغام کې راغلي دي چې د بدلمنۍ د فلمونو او سي ډي گانو خرڅلاو دې بند شي

په اردو ژبه د اورپکو پيغام کې راغلي دي چې د بدلمنۍ د فلمونو او سي ډي گانو خرڅلاو دې بند شي

د «داون» په نامه پاکستانۍ ورپاڼه کاږي چې په اردو ژبه باندې د اورپکو پيغام کې راغلي دي چې د بدلمنۍ د فلمونو او سي ډي گانو خرڅلاو دې بند شي که نه نو دکانونه به والوځول شي. په تېرو مياشتو کې د پاکستان په سرحدي سيمو کې وار په وار د موزيک پلورنځۍ په هوا الوځول شوي دي. د پاکستان په قبايلي سيمو کې په افغانستان کې د طالبانو په څېر يو ذهنيت رامنځ ته شوی دی. په دې لړ کې د دلاک، سلمانۍ يا نايانو پر دکانونو باندې هم بريدونه شوي دي ځکه چې د سړو ږيري يې خرېيلې.