په دارفور کي اوربند بيرته مات اونوی تشدد رامنځته سوی دی | دويچه ويله پښتو | DW | 03.03.2010
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

په دارفور کي اوربند بيرته مات اونوی تشدد رامنځته سوی دی

د سوډان پر حکومت نوي تورونه لګيدلی دی : ويل کيږی چې د سوډان هوايی ځواکونو د روسی انتونوف الوتکو په واسطه په وروستيو ورځو کې د دارفور په جبل ماره کې له 230 څخه ډير ملکی کسان وژلی دی

په دوهه کي د سوډان د حکومت او يوې مخالفي ډلي تر منځ د اوربند امضأ کيدل

په دوهه کي د سوډان د حکومت او يوې مخالفي ډلي تر منځ د اوربند امضأ کيدل

داخبر د سوډان د ياغيانو د هغه سازمان د منځلاري پوځ مشر «عبدالوحيد نور» ورکړی دی چې د سولی په نويو خبرو کې برخه نه لري . د سوډان د منځلاري پوځ يا ( اِس اِل اِ) وياند يحيي بلاد، دويچه ويلې ته وويل:

« دا د سوډان د رژيم لپاره نورماله خبره ده چې پر ملکي کسانو باندي بريد وکړي . په تيره بيا زموږ په سيمه جبل ماره کې . دا يو بالکُل نورمال فعاليت د . له 2002 کال څخه دوی په دارفور کې ملکي کسان وژني، او کلي سوځوي . تړون هيڅ ډول سوله نه شي راوستی . يوازينی تړون چې کولای شي سوله راولي، دادی چې په دارفور کې خلک د پريکړې کولو ته پريښودل شي .»

د سوډان پوځ دا خبره ردوي چې په دې سيمه کې يې له درنو وسلو څخه کار اخيستی دی . يوه وياند د فرانس پرس خبري آژانس ته وويل چې هلته د ياغيانو کوم منظم جوړښت نه شته . څرنګه چې دی وايي ځيني وخت وړې نښتی د راغلو جنګياليو سره رامنځته کيږي . خو د جبل مارې له غرنۍ سيمی څخه د وروستيو پراختياوو په هکله تر اوسه کوم بې پلوه معلومات نه شته . د ملګرو ملتونو د سولی مأمورين هم خپله د پيښو په يوې څيړنه کار کوي .

يوه اونی مخکښي داوربندپه خاطر خوشالۍ

يوه اونی مخکښي داوربندپه خاطر خوشالۍ

دا لومړی ځل نه دی چې له دارفور څخه بيا د زورزياتي رپوټ ورکول کيږي . د فبرورۍ د مياشتی په وروستيو کې د سوډان ولسمشر عمرالبشير د جګړې پای اعلان کړ . ده د قطر په پلازمينه دوها کې د ياغيانو له اهمی ډلی، دعدالت او مساوات له غورځنګ سره د اوربند تړون لاسليک کړ . د (اِس اِل اِ) ډلې لا د تړون د لاسليک په ورځ حکومت تورن کړ چې د جبل مارې په سيمه يې بريد وروړی دی . د مرستی رسونی ټولنی هم د فبرورۍ د مياشتی له پای څخه په سيمه کې د جګړو رپوټونه ورکوي . د ساري په ډول د «نړۍ د ډاکټرانو» له ټولنی څخه ليسيا فيسڅاک د نښتو داسی پخلی کوي :

« په جبل ماره کې جګړه کيږي ... ملکي کسان په تيښته کې دي . موږ اټکل کوو چې په جبل ماره کې څه نا څه 10000 تنه په تيښته کې دي . او د دوی لپاره هيڅ غم هم نه دی خوړل شوی . موږ بايد د دغو نښتو له کبله خپل ټيم هم خوندي ځای ته ليږدولی وای .»

په واقعيت کې د ملګرو ملتونو او د افريقايي ټولنې ګډ مأموريت «يوناميد»، دارفور ته تر اوسه وعده شوي توکي او مأمورين، چې دوی ورته د اوربند د مؤثرو څارلو لپاره اړتيا لري، نه دی رسولی . حتی د منل شويو سرتيرو نيمايي برخه هم سيمی ته نه ده رسيدلې . په جبل ماره کې د ملګرو ملتونو د سولی ځواکونه نه شته .

هايدل بيرګ/ سهيلا حسرت نظيمي

کتونکی : محمد قاسم نوري