1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په خوست کې ځانمرگی بريد ـ لس تنه ملگي وگړي مړه او 14 ټپيان شوي دي

د يو ځانمرگي بريد په نتيجه کې په خوست کې د امريکايانو د يوې اډې مخې ته نن سه شنبه لږ تر لږه لس افغاني ملکي وگړي وژل شوي دي. د افغانتسان د کورنيو چارو د وزارت يوه وياند زياته کړه چې 14 نور ملکي وگړي ټپيان شوي هم دي.

د امريکايانو نظامي اډه سالرنو په خوست کې، په عکس کې ايټاليايي عسکر ليدل کېږي

د امريکايانو نظامي اډه سالرنو په خوست کې، په عکس کې ايټاليايي عسکر ليدل کېږي

ځانوژونکی هم په کې مړ شوی دی. ځانوژونکي هغه چاودېدونکي توکي چې خپل بدن پورې يې تړلي وو، هغه مهال والوځول چې يوه ډله سړي د امريکايانو اډې مخې ته د کارموندلو په لټه ولاړ وو. دغه ځانمرگی بريد د نوي ميلادي کال د پيل راهيسې تر ټولو زورور و.
د نړيوال امنيتي ځواک ايساف يوې وياندې وويل چې عسکرو ته کوم زيان نه دی رسېدلی. د متحده آيالاتو دغه نظامي اډه »سالرنو« د خوست ښار څخه شپږ کيلومتر شمالي خوا ته پرته ده.