1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په خوست کی يو شمېر خلک د څښاک اوبو ته لاس رسی نه لري

د څښاک له پاکو اوبو څخه پرته روغتیا له خطر سره مخامخ دی، خصوصا د ښونځیو د ماشومانو روغتیا. دا خبر د خوست ډاکتران کوی او عام وکړی حکومت ګرم بولی چی د دی ستونزی د حل لپاره یی تر اوسه پوری د پام وړ ګام نه دی اخیستی.

پر څاگانو باندي لاسي بمبې هم اوبه نه راپورته کوي

پر څاگانو باندي لاسي بمبې هم اوبه نه راپورته کوي

که څه هم په دې وروستيو کې ډيرى خوست ميشتو په خپل شخصي لګښت اود يا د حکومتي او نه حکومتي ادارو په مرسته ژور او نيمه ژور څاګان کيندلي او پاکو اوبو ته يې لاس راسى موندلى، خو د داسې کورنيو شمېر هم کم نه دى چې تراوسه خو يا د ډنډو او ويالواوبه څښي او يا هم د ډېر زيار په ګللو سره پاکې اوبه پيدا کوي.

ځايي چارواکي بيا وايي چې څو کاله وړاندې دا ستونزه ډېره وه خو په دې برخه کې د دوى پرله پسې کار د دغه ستونزې کچه راټيټه کړي ده.

د خوست د کليود پراختيا او بيارغاونې رياست وياند امرالله هلال المان غږ راډيو ته وويل چې په دې برخه کې يې بيړنۍ هڅې کړي ، ځکه چې اوبو ته په ژوند کې تر ټولو ستره اړتيا ده.

ښاغلى امرالله هلال وايي، چې دامهال د خوست %70 اوسيدونکي د څښاک پاکو اوبو ته لاس راسى لري او پاتې خلکو ته د څښاک پاکو اوبو د رسولو لپاره هڅه کوي ترڅو په روان نوي کال کې د ځينو پروژو په تطبيق سره دا ستونزه هواره کړي.

هلال زياتوي ، چې د ژورو څاګانو ناکامۍ دوى اړ کړي دي چې د لرو پرتو او غرنيو سيمو او په هغه کې له طبيعي چينو څخه ګټه پورته کړي او د اوبو نلونه ترې وغځوي.

بلخوا په خوست ښار کې يو تن ډاکټر عبدالمجيد منګل وايي چې د دا ډول سيمو خلک بايد خپلې اوبه پاکې وساتي او د جوش کولو وروسته ترې ګټه پورته کړي.

د خوست يو شمېر اوسيدونکي وايي، که ځايي اداره دا نه شي کولاى ، چې خوست ميشتو ته د څښاک پاکې اوبه برابرې کړي، نو مرکزي دولت او همدا رنګه نړيواله ټولنه دې په دې برخه کې مټې راونغاړي او يادې ستونزې ته دې په بيړني ډول د حل لارې چارې ولټوي.

فريدالله ظاهر/ خوست

کتونکی: نجيب الله زيارمل

DW.COM